കോട്ടയം: കായികാധ്യാപിക സ്‌കൂളില്‍ കുഴഞ്ഞു വീണു മരിച്ചു. ചങ്ങനാശേരി ഗുഡ് ഷെപ്പേര്‍ഡ് സ്‌കൂള്‍ കായിക അധ്യാപിക മനു ജോണ്‍ (50) ആണു മരിച്ചത്. സ്‌കൂളില്‍ രാവിലെ ഡിസിപ്ലിന്‍ ഡ്യൂട്ടി ചെയ്യവേ കുഴഞ്ഞു വീഴുകയായിരുന്നു. സഹപ്രവര്‍ത്തകര്‍ ഉടന്‍ തന്നെ ആശുപത്രിയില്‍ എത്തിച്ചപ്പോഴേയ്ക്കും മരണം സംഭവിച്ചു. ചങ്ങനാശേരി പറാല്‍ സ്വദേശിയാണ്.
പരേതനായ പാറത്തറ തോമസ് മാത്യു (മോനിച്ചന്‍), ചിന്നമ്മ തോമസ് എന്നിവരുടെ മകളാണ്. ഭര്‍ത്താവ് പരേതനായ ജോണ്‍സണ്‍. മക്കള്‍: മേഖ ജോണ്‍സണ്‍ (കാനഡ), മെല്‍ബിന്‍ ജോണ്‍സണ്‍ (എസ്ബി കോളജ്). മരുമകന്‍: രവി കൃഷ്ണ (കാനഡ). സംസ്‌കാരം ഇന്ന് ഉച്ചകഴിഞ്ഞ് 3.30ന് പറാല്‍ സെന്റ് ആന്റണീസ് ചര്‍ച്ചില്‍ നടത്തും.
