തിരുവനന്തപുരം: നിർമ്മിത ബുദ്ധി ഉൾപ്പെടെയുള്ള പുതു സാങ്കേതിക വിദ്യകൾ ഫോട്ടോഗ്രാഫി രംഗത്ത് വെല്ലുവിളി സൃഷ്ടിക്കുന്നൂവെന്ന് ബേദി സഹോദരൻമാർ.
ഫോട്ടോഷോപ്പ് പോലുള്ള സാങ്കേതിക വിദ്യകളെ ഉപയോഗപ്പെടുത്തി കൃതൃമ ഫോട്ടോകൾ നിർമിക്കുന്നവർക്ക് നിർമിത ബുദ്ധി അനുകൂല സാഹചര്യം സൃഷ്ടിക്കുകയാണ്. സാങ്കേതിക നിർമിതികളിൽ അവ അടയാളപ്പെടുത്തേണ്ടത് അനിവാര്യമാണെന്നും അവർ പറഞ്ഞു. രാജ്യാന്തര ഹ്രസ്വ മേളയോടനുബന്ധിച്ച് നടന്ന “ഇൻ കോൺവെർസേഷനിൽ പങ്കെടുക്കുകയായിരുന്നു ബേദി സഹോദരൻമാർ (നരേഷ് ബേദി, രാജേഷ് ബേദി). സാങ്കേതിക വിദ്യയുടെ വളർച്ച കൂടുതൽ വൈൽഡ് ലൈഫ് ഫോട്ടോഗ്രാഫർമാരെ സൃഷ്ടിക്കുന്നുണ്ട്. എന്നാൽ പകർത്തിയ ചിത്രങ്ങളുടെ ഭംഗിയിൽ മാത്രമാണ് അവരുടെ ശ്രദ്ധയെന്നും അവർ പറഞ്ഞു.
വൈൽഡ് ലൈഫ് ഫോട്ടോഗ്രാഫർ ബാലൻ മാധവൻ മോഡറേറ്റായിരുന്നു.
