ആയഞ്ചേരി: ആയഞ്ചേരി ഗ്രാമ പഞ്ചായത്ത് മംഗലാട് 13-ാം വാർഡിലെ സ്വാതന്ത്ര്യദിനാഘോഷം അംഗണവാടി കുട്ടികൾക്ക് ആവേശം പകർന്നു. ദേശസ്നേഹം പകർന്നു നൽകുന്നതിന് സ്വാതന്ത്ര്യ സമര സേനാനികളുടെ ചരിത്രങ്ങൾ ആഴത്തിൽ പഠിപ്പിക്കേണ്ടതായിട്ടുണ്ട്.
കേവലം നാലു വോട്ടുകൾക്കും വർഗ്ഗീയതയ്ക്കും വേണ്ടി സ്വാതന്ത്ര്യത്തെ വിവർണ്ണമാക്കരുതെന്നും, വർഗ്ഗ വർണ്ണ വ്യത്യാസമില്ലാതെ പൊരുതിനേടിയ സ്വാതന്ത്യ സമരത്തിൻ്റെ പ്രസക്തി നഷ്ടപ്പെടാതിരിക്കാൻ ഒന്നായ് മുന്നേറണമെന്നും സ്വാതന്ത്ര്യ ദിന സന്ദേശത്തിൽ മെമ്പർ എ. സുരേന്ദ്രൻ പറഞ്ഞു.പനയുള്ളതിൽ അമ്മത് ഹാജി, കുളങ്ങരത്ത് നാരായണക്കുറുപ്പ്, എം.എം മുഹമ്മദ്, മഞ്ചക്കണ്ടി ദാമോദരൻ, പവിത്രൻ കുന്നിൽ,രവീന്ദ്രൻ വടക്കയിൽ, നാണു പാറേമ്മൽ, അംഗനവാടി ടീച്ചർ കെ. റീന , ഹെൽപ്പർ ഗൗരി ,പ്രജിത പാലോ ള്ളതിൽ, ലൈല തയ്യിൽ, സീമ ഒന്തമ്മൽ ,സോന പുലയൻ കുനി തുടങ്ങിയവർ സംബന്ധിച്ചു. തുടർന്ന് പായസ വിതരണം നടത്തി.
