തിരുവനന്തപുരം: കേരള സിനി ഡ്രൈവേഴ്സ് യൂണിയൻ്റെ “എൻ്റെ വീട് “എന്ന പദ്ധതിയിൽ ഉൾപ്പെടുത്തി പണി പൂർത്തീകരിച്ച രണ്ടാമത്തെ വീടിൻ്റെ ഗൃഹപ്രവേശനം ഫെഫ്ക പ്രസിഡൻ്റ് സിബി മലയിൽ നിർവഹിച്ചു.
സ്വന്തമായി വീട് എന്ന സ്വപ്നം പൂർത്തീകരിക്കാൻ സാധിക്കാത്ത യൂണിയനിലെ അംഗങ്ങൾക്ക് വീട് എന്ന സ്വപ്നം കൂട്ടായ്മയിലൂടെ വെൽഫെയർ ഫണ്ട് ഉപയോഗിച്ച് പൂർത്തീകരിക്കുന്നതിന് വേണ്ടി ആവിഷ്കരിച്ചതാണ് എൻ്റെ വീട് പദ്ധതി.
ഈ പദ്ധതിയിൽ ഉൾപ്പെടുത്തി ആദ്യത്തെ വീട് ഒറ്റപ്പാലം മയിലുoപുറത്തു പൂർത്തീകരിച്ചിരുന്നു. ഇന്ന് തിരുവനന്തപുരം വെഞ്ഞാറമൂട് രണ്ടാമത്തെ വീട് പൂർത്തിയാക്കി ഗൃഹപ്രവേശനം നടത്തി.
KCDU ഹൗസ് വാമിംഗ് ഗിഫ്റ്റ് എന്ന പദ്ധയിൽ ഉൾപ്പെടുത്തി അംഗങ്ങളുടെ സഹകരണത്തോടെ വീട്ടിലേയ്ക്കുള്ള ഫർണിച്ചറുകളും നൽകി.
യൂണിയൻ പ്രസിഡൻ്റ് റെജി യുഎസ്, ജനറൽ സെക്രട്ടറി അനീഷ് ജോസഫ്, ട്രഷറർ സന്തോഷ് KK, വൈസ് പ്രസിഡൻ്റുമാരായ ഹസ്സൻ അമീർ ,സജീഷ് കുമാർ, ജോ:സെക്രട്ടറിമാരായ തോമസ് സെബാസ്റ്റ്യൻ, സുജിത്ത് SV, കമ്മിറ്റി അംഗങ്ങളായ അനി ഗുരുതി പാലാ, ബാബു ഒറ്റപ്പാലം,അരുൺ വല്ലാർപാടം, സുരേഷ് പാലക്കാട് , രാജേഷ് VD, ജീവൻ പോൾ, സുരേഷ് കുമാർ, സുദീപ് K ഉദയ്, വിഷ്ണു യൂണിയൻ മുൻ പ്രസിഡൻ്റ് ശശി TG അംഗങ്ങളായ സാഗിരീഷ് ,മനോജ്, അനിപള്ളിച്ചൽ, നിഖിൽ, ലിജിൻ, ഹരിപ്രസാദ്, സന്തോഷ്,ജലീൽ ,അനിൽരാജൻ ,മനേഷ്,അർഷക്, വിജയൻ Cനായർ സനൽകുമാർ, ഓഫീസ് മാനേജർ ജിബിൻ എന്നിവർ ചടങ്ങിൽ പങ്കെടുത്തു.
രണ്ട് വീട്ടുകളാണ് കേരള സിനി ഡ്രൈവേഴ്സ് യൂണിയൻ അംഗങ്ങളുടെ കൂട്ടായ്മയ്ക്കും നിശ്ചയദാർഢ്യത്തിനും മുൻപിൽ വിരിഞ്ഞത് .
