പുല്‍പ്പള്ളി: ദേശീയ അധ്യാപക ദിനാഘോഷത്തിന്റെ ഭാഗമായി പെരിക്കല്ലൂർ ഗവൺമെൻറ് ഹയർസെക്കൻഡറി സ്കൂളിൽ മുഴുവൻ അധ്യാപകരെയും പിടിഎയുടെ നേതൃത്വത്തിൽ ആദരിച്ചു. പിടിഎ പ്രസിഡൻറ് ഗിരീഷ് കുമാർ ജി ജി യുടെ അധ്യക്ഷതയിൽ നടന്ന അനുമോദന ചടങ്ങ് വാർഡ് മെമ്പർ ജോസ് നെല്ലേടം ഉദ്ഘാടനം ചെയ്തു.
ഈ വർഷം സേവനത്തിൽ നിന്ന് വിരമിക്കുന്ന ഹെഡ്മാസ്റ്റർ ഷാജി പുൽപ്പള്ളി, അധ്യാപകരായ ജോഷി അബ്രഹാം, ഷാജി മാത്യു, സുഭാവതി കെ സി എന്നിവരെ പൊന്നാട അണിയിച്ച് ആദരിച്ചു. പ്രിൻസിപ്പാൾ പി കെ വിനുരാജൻ ഉൾപ്പെടെയുള്ള മുഴുവൻ അധ്യാപകർക്കും പൂച്ചെണ്ടും സമ്മാനങ്ങളും ആശംസ കാർഡുകളും നൽകി അനുമോദിച്ചു. ബ്ലോക്ക് ഡിവിഷൻ മെമ്പർ മേഴ്സി ബെന്നി, എം പി ടിഎ പ്രസിഡണ്ട് ഗ്രേസി റെജി, സ്കൂൾ ചെയർമാൻ മുഹമ്മദ് അസ്ലം, വിദ്യാർഥിനി എമിൽഡ മേരി ഷിബു എന്നിവർ ആശംസ അർപ്പിച്ചു.
പ്രിൻസിപ്പാൾ പി കെ വിനു രാജൻ, ഹെഡ്മാസ്റ്റർ ഷാജി പുൽപ്പള്ളി എന്നിവർ മറുപടി പ്രസംഗം നടത്തി. എസ്.എം.സി. അംഗം ഷിജു കൊച്ചുപുരയിൽ സ്വാഗതവും പിടിഎ വൈസ് പ്രസിഡണ്ട് രാജേന്ദ്രൻ കെ എ നന്ദിയും അർപ്പിച്ചു. എസ്.എം.സി, പി.ടി.എ അംഗങ്ങൾ ചടങ്ങുകൾക്ക് നേതൃത്വം നല്കി.
