കൊടുവള്ളി വെസ്റ്റ് മണ്ഡലത്തിലെ വിവിധ മദ്റസകളിലെ സർഗപ്രതിഭകൾ മാറ്റുരച്ച എം.എസ്.എം – സി ഐ ഇ ആർ സർഗോൽസവത്തിൽ പാറന്നൂർ ദാറുൽ ഉലൂം മദ്റസ ഓവറോൾ ചാമ്പ്യൻമാരായി . ആരാമ്പ്രം ഹുദ സെൻ്റർ മദ്റസ റണ്ണർ അപ് ആയി.മടവൂൽ മനാറുൽ ഇസ്‌ലാം മദ്റസക്കാണ് മൂന്നാം സ്ഥാനം . കിഡ്സ്, ചിൽഡ്രൻ, സബ്ജൂനിയർ , ജൂനിയർ, ടീൻസ് വിഭാഗങ്ങളിലായി മുന്നൂറോളം വിദ്യാർത്ഥികൾ സർഗോൽസവത്തിൽ പങ്കെടുത്തു.
ഫലസ്തീൻ സ്മരണകൾ ഉണർത്തുന്ന ഗാസ , റഫ , ജബലിയ്യ എന്നീ മൂന്ന് വേദികളിലാണ് കലാ മൽസരങ്ങൾ അരങ്ങേറിയത്. നരിക്കുനി ഗ്രാമ പഞ്ചായത്ത് പ്രസിഡണ്ട് ജൗഹർ പൂമംഗലം സർഗോൽസവം ഉദ്ഘാടനം ചെയ്തു. കെ എൻ എം മണ്ഡലം പ്രസിഡണ്ട് എൻ.പി അബ്ദുൽ റഷീദ് അധ്യക്ഷത വഹിച്ചു .
മാപ്പിളപ്പാട്ട് രചയിതാവ് ബദറുദ്ധീൻ പാറന്നൂർ ട്രോഫികൾ വിതരണം ചെയ്തു. ഹസൻ നെടിയനാട് ,കെ. എൻ. എം ജില്ലാ സെക്രട്ടറി ശുക്കൂർ കോണിക്കൽ , പ്രോഗ്രാം കൺവീനർ ഫവാസ് എളേറ്റിൽ , വി. ഹമീദ്, പി. അസയിൻ സ്വലാഹി, എം.കെ ഇബ്രാഹീം , എഞ്ചിനീയർ ഇബ്രാഹീം കുട്ടി ,ഷാമിർ പിലാതോട്ടം , ദിൽഷാദ് പാറന്നൂർ,സഫിയ പുല്ലോറമ്മൽ , ബഷീർ കൈപ്പാട്ട് , മുഹമ്മദ് പര നിലം , തഹ്‌ലിയ അൻഷിദ് പ്രസംഗിച്ചു.
