പടിഞ്ഞാറത്തറ : മൺമറഞ്ഞ് പോയ മലയാളത്തിൻ്റെ മഹാപ്രതിഭകൾ, എഴുത്തിൻ്റെ
കുലപതി എം ടി വാസുദേവൻ നായർ , ഭാവഗായകൻ പി ജയചന്ദ്രൻ എന്നിവരുടെ അനുസ്മരണം പടിഞ്ഞാറത്തറ ഗവ: ഹയർ സെക്കണ്ടറി സ്ക്കൂളിൽ നടന്നു. പ്രശസ്ത സിനിമാ സംവിധായകനും , നിർഝരി നാട്യ കലാ അക്കാദമി ഡയറക്ടറുമായ പ്രദീപ് കുമാർ മംഗലശ്ശേരി എം. ടി അനുസ്മരണ പ്രഭാഷണം നടത്തി., പ്രശസ്ത സിനിമാ പിന്നണി ഗായിക നിഖില മോഹൻ പി. ജയചന്ദ്രൻ അനുസ്മരണ പ്രഭാഷണവും നിർവ്വഹിച്ചു.
സ്ക്കൂൾ ഹെഡ്മാസ്റ്റർ ബാബു ടി , അനിൽ ഇ , പി ബിജു കുമാർ, പി ടി എ പ്രസിഡണ്ട് സുധീഷ് ടി. എസ് തുടങ്ങിയവർ സംസാരിച്ചു. ഭാവഗായകൻ്റെ ഗാനങ്ങൾ കോർത്തിണക്കി സ്കൂളിലെ ഗായക സംഘം അവതരിപ്പിച്ച ഗാനമേളയും അരങ്ങേറി.
