സുല്‍ത്താന്‍ ബത്തേരി: അസംപ്ഷന്‍ സ്‌കൂളില്‍ സ്വാതന്ത്ര്യ ദിനം വര്‍ണ്ണാഭമായി ആഘോഷിച്ചു. ഹൈസ്‌കൂള്‍ ഹെഡ്മാസ്റ്റര്‍ ബിനു തോമസ് പതാക ഉയര്‍ത്തി. റവ.ഫാ.തോമസ് ഞള്ളമ്പുഴ സല്യൂട്ട് സ്വീകരിച്ചു. റിട്ടേര്‍ഡ് നേവി ഉദ്യോഗസ്ഥനും സാഹിത്യകാരനും സിനിമ തിരക്കഥാകൃത്തും സംവിധായകനുമായ ഭാസ്‌കരന്‍ ബത്തേരി മുഖ്യാതിഥി ആയിരുന്നു.
യു പി സ്‌കൂള്‍ പ്രധാനധ്യാപകന്‍ സ്റ്റാന്‍ലി ജേക്കബ് പി ടി എ പ്രസിഡന്റ് ബിജു ഇടയനാന്‍, ഷിനോജ് പാപ്പച്ചന്‍, ബെന്നി ടി.ടി, ഷാജു മംഗലത്ത് എന്നിവര്‍ സംസാരിച്ചു. വിദ്യാര്‍ത്ഥികള്‍ ദേശഭക്തി വിളിച്ചോതുന്ന സംഗീത ശില്പവും ദേശഭക്തിഗാനവും ഡിസ്‌പ്ലേയും അവതരിപ്പിച്ചു. പരിപാടികളെ തുടര്‍ന്ന് കുട്ടികള്‍ക്ക് മധുരപലഹാര വിതരണവും ഉണ്ടായിരുന്നു.
