മലപ്പുറം: യുവതി തൂങ്ങി മരിച്ചതറിഞ്ഞ് കൈ ഞരമ്പ് മുറിച്ച് ജീവനൊടുക്കാന്‍ ശ്രമിച്ച് ചികിത്സയിലായിരുന്ന യുവാവ് തൂങ്ങി മരിച്ചു. മലപ്പുറം കാരക്കുന്ന് സ്വദേശി സജീറാണ് മരിച്ചത്. മറ്റൊരാളുമായി വിവാഹം നിശ്ചയിച്ചതിന് പിന്നാലെയാണ് തൃക്കലങ്ങോട് സ്വദേശിയായ 18കാരി ജീവനൊടുക്കിയത്. ഇതിന് പിന്നാലെയാണ് സജീര്‍ കൈഞരമ്പ് മുറിച്ച് ജീവനൊടുക്കാന്‍ ശ്രമിച്ചിരുന്നു.
ഫെബ്രുവരി മൂന്നിനാണ് ഷൈമ സിനിവർ എന്ന 18കാരി വീടിനുള്ളിൽ തൂങ്ങി മരിച്ചത്. തൊട്ടടുത്ത ദിവസങ്ങളിൽ വിവാഹ ചടങ്ങുകൾ നടക്കാനിരിക്കെയായിരുന്നു മരണം. പിന്നാലെ 19കാരനായ സജീർ ഞരമ്പ് മുറിച്ച് ജീവനൊടുക്കാൻ ശ്രമിച്ചിരുന്നു. ഉടൻ മഞ്ചേരി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചതോടെ യുവാവ് അപകടനില തരണം ചെയ്തിരുന്നു.
വീട്ടുകാർ ഉറപ്പിച്ച കല്യാണത്തിന് ഷൈമയ്ക്ക് താൽപ്പര്യമില്ലായിരുന്നു. സജീറിനെ വിവാഹം കഴിക്കാനായിരുന്നു പെൺകുട്ടിക്ക് ആഗ്രഹമെന്നാണ് പൊലീസ് പറയുന്നത്.
