കോഴിക്കോട്: വിശ്വമാനവികതക്ക് വേദ വെളിച്ചം എന്ന സന്ദേശവുമായി മുജാഹിദ് സംസ്ഥാന സമ്മേളനം ഡിസംബര്‍ 28, 29, 30, 31 തിയ്യതികളില്‍ മലപ്പുറത്ത് നടക്കും. നാലു ദിവസങ്ങളിലായി നടക്കുന്ന സമ്മേളനത്തില്‍ ആഗോള പ്രശസ്ത പണ്ഡിതന്മാരും, ബുദ്ധിജീവികളും പ്രഭാഷകരും പങ്കെടുക്കും. നാല് ദിവസങ്ങളിലായി ഏകദേശം അഞ്ച് ലക്ഷം പേര്‍ പങ്കെടുക്കുമെന്ന് കരുതപ്പെടുന്ന സമ്മേളനത്തിന്റെ പ്രചാരണത്തിന് തുടക്കം കുറിച്ച് സമ്മേളന പ്രഖ്യാപന സമ്മേളനം നാളെ ഞായറാഴ്ച കണ്ണൂരില്‍ നടക്കും.
വൈകീട്ട് 4ന് കണ്ണൂര്‍ സ്‌റ്റേഡിയം കോര്‍ണറില്‍ നടക്കുന്ന പ്രഖ്യാപന സമ്മേളനം രജ്‌മോഹന്‍ ഉണ്ണിത്താന്‍ എം പി ഉദ്ഘാടനം ചെയ്യും.
കെ എന്‍ എം മര്‍കസുദ്ദഅവ സംസ്ഥാന പ്രസിഡണ്ട് ഡോ. ഇ കെ അഹ്മദ്ദ് കുട്ടി അദ്ധ്യക്ഷത വഹിക്കും. ജന: സെക്രട്ടറി സി പി ഉമര്‍ സുല്ലമി മുഖ്യപ്രഭാഷണം നടത്തും. കണ്ണൂര്‍ കോര്‍പ്പറേഷന്‍ മേയര്‍ അഡ്വ. ടി.ഒ. മോഹനന്‍, കടന്നപ്പള്ളി രാമചന്ദ്രന്‍ എം.എല്‍.എ, ഡപ്യൂട്ടി മേയര്‍ ശബീന സകീര്‍, സി.പി.എം. ജില്ലാ സെക്രട്ടറി എം.വി. ജയരാജന്‍, മുസ്ലീം ലീഗ് സംസ്ഥാന സെക്രട്ടറി സി. മമ്മുട്ടി അതിഥികളായിരിക്കും.
കേരള ജംഇയ്യത്തുല്‍ ഉലമ ജന: സെക്രട്ടറി ഡോ. കെ. ജമാലുദ്ദീന്‍ ഫാറൂഖി, ട്രഷറര്‍ സി.എം. മൗലവി ആലുവ, സമ്മേളന സ്വാഗത സംഘം വൈസ് ചെയര്‍മാന്‍ കെ.എല്‍.പി. യൂസുഫ്, കെ.എന്‍.എം. മര്‍കസുദ്ദഅവ സംസ്ഥാന ട്രഷറര്‍ എം. അഹ്മദ്കുട്ടി മദനി, സംസ്ഥാന സെക്രട്ടറിമാരായ എന്‍.എം. ജലീല്‍,
അബ്ദുലത്തീഫ് കരുമ്പുലാക്കല്‍, അലി മദനി മൊറയൂര്‍, ഡോ. ജാബിര്‍ അമാനി, എം.ടി. മനാഫ്, റാഫി പേരാമ്പ്ര, ഡോ. ഇസ്മായില്‍ കരിയാട് പ്രഭാഷണം നടത്തും.
ഐ.എസ്.എം. ജനറല്‍ സെക്രട്ടറി ഡോ. അന്‍വര്‍ സാദത്ത്, എം.ജി.എം. ജനറല്‍ സെക്രട്ടറി സി.ടി. ആയിശ, എം.എസ്.എം. ജനറല്‍ സെക്രട്ടറി ആദില്‍ നസീഫ്, ഐ.ജി.എം. സെക്രട്ടറി നദ നസ്‌റിന്‍, കെ.എന്‍.എം. മര്‍കസുദ്ദഅ്വ ജില്ലാ സെക്രട്ടറി ഡോ. പി.കെ അബ്ദുല്‍ ജലീല്‍ ആശംസകളര്‍പ്പിക്കും.
പ്രഖ്യാപന സമ്മേളനത്തിന് വിലുപമായ സൗകര്യങ്ങള്‍ ഏര്‍പ്പെടുത്തുന്നുണ്ട്. പരിപാടി വീക്ഷിക്കാന്‍ സമ്മേളന നഗരി കണ്ണൂര്‍ സ്‌റ്റേഡിയം കോര്‍ണറില്‍ സജ്ജമാക്കും. സംസ്ഥാനത്തെ വിവിധ ജില്ലകളില്‍ നിന്നായി വനിതകളടക്കം ആയിരക്കണക്കിന് ആളുകള്‍ പ്രഖ്യാപന സമ്മേളനത്തില്‍ പങ്കെടുക്കുമെന്നാണ് പ്രതീക്ഷിക്കുന്നത്.
