കോഴിക്കോട്: ലോക ക്ഷീരദിനത്തോടനുബന്ധിച്ച് ക്ഷീരവികസനവകുപ്പ് വിദ്യാര്‍ത്ഥികള്‍ക്ക് രചനാ മത്സരം സംഘടിപ്പിച്ചു. ജില്ലയിലെ വിവിധ സ്‌കൂളുകളിലെ എല്‍ പി, യു പി, ഹൈസ്‌കൂള്‍ വിഭാഗം വിദ്യാര്‍ത്ഥികള്‍ക്കായാണ് ചിത്രരചനാ മത്സരവും ഉപന്യാസ രചനാ മത്സരവും സംഘടിപ്പിച്ചത്.
ചിത്രരചനാ മത്സരം എല്‍ പി വിഭാഗത്തില്‍ ധ്വനി ശ്യാംദാസ്, ആദിഷ കെ വി, ആയിശ മെഹ്‌റ എന്നിവരും യു പി വിഭാഗത്തില്‍ കൃഷ്ണവേണി വി, ഉമര്‍ അബ്യാസ് എം പി, സൂര്യ കെ കെ എന്നിവരും ഒന്നും രണ്ടും മൂന്നും സ്ഥാനങ്ങള്‍ കരസ്ഥമാക്കി. ഹൈസ്‌കൂള്‍ വിഭാഗത്തില്‍ അശ്വിന്‍ കൃഷ്ണ ടി കെ, വരദ എം, മിഥുന്‍ സുരേഷ് പി എന്നിവരും ഉപന്യാസ രചനാ മത്സരത്തില്‍ മിഥുന്‍ സുരേഷ് പി, അശ്വിന്‍ കൃഷ്ണ ടി കെ, കൈലാസ് പി വി എന്നിവരും യഥാക്രമം ഒന്നും രണ്ടും മൂന്നും സ്ഥാനങ്ങള്‍ കരസ്ഥമാക്കി. ചടങ്ങില്‍ ക്ഷീരപരിശീലന കേന്ദ്രം പ്രിന്‍സിപ്പല്‍ ഷീബ ഖമര്‍ അധ്യക്ഷത വഹിച്ചു. വിജയികള്‍ക്ക് സമ്മാനവും വിതരണം ചെയ്തു.
