തിരുവനന്തപുരം: പാറശ്ശാല സബ്ജില്ലയിലെ മഞ്ചവിളാകം യു.പി.എസ്. വിദ്യാര്‍ത്ഥികള്‍ ചലച്ചിത്ര പുരസ്‌കാര ജേതാവ് തന്മയ സോളിന് ഗംഭീര സ്വീകരണം നല്‍കി. പ്രതിഭയോടൊപ്പം എന്ന പ്രതിമാസ പരിപാടിയില്‍ പങ്കെടുക്കാന്‍ എത്തിയതായിരുന്നു ചലച്ചിത്ര താരം തന്മയ സോള്‍.
വിദ്യാര്‍ത്ഥികളുടെ ചോദ്യങ്ങള്‍ക്ക് വിനോദവും വിജ്ഞാനവും കൗതുകവും ആവേശവും നിറച്ച് ഉത്തരങ്ങള്‍ നല്‍കി സ്റ്റാര്‍ ഓഫ് ദി ഡേ ആയി മാറി. സ്വന്തം സ്‌കൂളിലെ കൂട്ടുകാരിയെപ്പോലെ കുട്ടികളോടൊപ്പം ആടിപ്പാടി സെല്‍ഫിയെടുത്തും ഓട്ടോഗ്രാഫ് നല്‍കിയും വിദ്യാര്‍ത്ഥികളോടൊപ്പം മണിക്കൂറുകള്‍ ചിലവഴിച്ചു.
ഹെഡ് മാസ്റ്റര്‍ M.പ്രശാന്ത് മുഖ്യാതിഥിയായ തന്മയ്ക്ക് സ്‌കൂളിന്റെ ഉപഹാരം സമ്മാനിച്ചു. അദ്ധ്യാപകരായ R.S.രഞ്ജു, K.S.സുസ്മിത, ദീപ, പി.ടി.എ.പ്രസിഡന്റ് എസ്. സന്തോഷ് തുടങ്ങിയവര്‍ പ്രതിഭയോടൊപ്പം പ്രതിമാസ പരിപാടിക്ക് നേതൃത്വം നല്‍കി.
