കിളിമാനൂര്‍: പ്രായപൂര്‍ത്തിയാകാത്ത പെണ്‍കുട്ടിയെ ഭീഷണിപ്പെടുത്തി പീഡിപ്പിച്ച ഓട്ടോ ഡ്രൈവര്‍ പൊലീസിന്റെ പിടിയിലായി. പതിനാറുകാരിയായ പെണ്‍കുട്ടിയെയാണ് നഗരൂര്‍ കൊടുവഴന്നൂര്‍ പുല്ലയില്‍ പുതുവിളാകത്തുവീട്ടില്‍ വസന്തകുമാര്‍ (60) പീഡിപ്പിച്ചത്. പെണ്‍കുട്ടിയുടെ സ്വകാര്യ ദൃശ്യങ്ങള്‍ കൈവശമുണ്ടെന്നും ഇത് പുറത്തുവിടുമെന്നും ഭീഷണിപ്പെടുത്തിയായിരുന്നു പീഡനം.
പെണ്‍കുട്ടി ചൈല്‍ഡ് വെല്‍ഫെയര്‍ കമ്മിറ്റിയുടെ കൗണ്‍സിലിംഗിന് വിധേയമായപ്പോഴാണ് പീഡന വിവരങ്ങള്‍ വെളിപ്പെടുത്തിയത്. തുടര്‍ന്ന് പരാതിയുടെ അടിസ്ഥാനത്തില്‍ പോക്‌സോ വകുപ്പുപ്രകാരം നഗരൂര്‍ പൊലീസ് ഓട്ടോ ഡ്രൈവര്‍ക്കെതിരെ കേസെടുത്ത് അറസ്റ്റ് ചെയ്യുകയായിരുന്നു.
