കൊണ്ടോട്ടി: എം എസ് എം കൊണ്ടോട്ടി മണ്ഡലം കിഡ്‌സ് ക്ലബ് അംഗങ്ങള്‍ക്കായി അണ്ടര്‍ 12 ഫുട്‌ബോള്‍ ടൂര്‍ണമെന്റ് ‘സോക്കര്‍ ഫിയസ്റ്റ’ സംഘടിപ്പിച്ചു. ഓഗസ്റ്റ് 27 ന് എബിലിറ്റി ക്യാമ്പസ്സില്‍ വെച്ച് നടക്കുന്ന കിഡ്‌സ് ഫിയസ്റ്റ ബാലസമ്മേളനത്തിന്റെ പ്രചാരണത്തിന്റെ ഭാഗമായി സംഘടിപ്പിച്ച മത്സരത്തില്‍ കൊട്ടപ്പുറം യൂണിറ്റ് ജേതാക്കളായി. പുളിക്കല്‍ യൂണിറ്റ് രണ്ടാം സ്ഥാനവും കരസ്ഥമാക്കി. വിജയികള്‍ക്ക് കെ എന്‍ എം മര്‍കസുദ്ദഅവ മണ്ഡലം ഭാരവാഹികളായ ചുണ്ടക്കാടന്‍ മുഹമ്മദലി, എം കെ ബഷീര്‍ മാസ്റ്റര്‍, ഒ അഹമ്മദ് സഹീര്‍ മൗലവി, സാഹിര്‍ മാസ്റ്റര്‍ തുടങ്ങിയവര്‍ ട്രോഫികള്‍ വിതരണം ചെയ്തു.
