പെരുമണ്ണ: പയ്യടിമീത്തല്‍ കണ്ണംചിനപാലത്തിന് സമീപം മാമ്പുഴ പുഴയില്‍ 13കാരന്‍ മുങ്ങിമരിച്ചു. പൊക്കുന്ന് ചമ്പ്രയില്‍ പറമ്പ് ഫൈസലിന്റെ മകന്‍ സി കെ മുഹമ്മദ് ആദില്‍ ആണ് മരിച്ചത്. രാവിലെ 11.30ന് കൂട്ടുകാരോടൊപ്പം കുളിക്കാനിറങ്ങിയപ്പോഴായിരുന്നു അപകടം. ഇരിങ്ങല്ലൂര്‍ GHSS ഏഴാം ക്ലാസ് വിദ്യാര്‍ഥിയാണ്.
കൂട്ടുകാരോടൊപ്പം കുളിക്കാനിറങ്ങിയ കുട്ടിയെ കാണാതാവുകയായിരുന്നു. സംഭവസ്ഥലത്തെത്തിയ ജില്ലാ സ്‌കൂബാ ടീം അംഗങ്ങളായ വെള്ളിമാട് കുന്ന് നിലയത്തിലെ ഷൈബിനും കോഴിക്കോട് നിലയത്തിലെ അഹ്മദ് റഹീഷ് എന്‍ വി, ശിഹാബുദീന്‍ ഇ എന്നിവര്‍ ചേര്‍ന്ന് നടത്തിയ തിരച്ചിലില്‍ ആണ് കുട്ടിയെ കണ്ടെത്തി കരയ്‌ക്കെത്തിച്ചത്. സി പി ആര്‍ നല്‍കി മെഡിക്കല്‍ കോളജ് ആശുപത്രിയില്‍ എത്തിച്ചുവെങ്കിലും അവിടെ വെച്ച് മരിക്കുകയായിരുന്നു.
