കണ്ണൂര്‍:’വിശ്വമാനവികതയ്ക്ക് വേദവെളിച്ചം’ പ്രമേയത്തില്‍ ജനുവരി 25 മുതല്‍ 28 വരെ കരിപ്പൂരില്‍ നടക്കുന്ന 10ാം മുജാഹിദ് സംസ്ഥാന സമ്മേളനത്തിന്റെ മുന്നോടിയായി അഖ് വം’ (നേര്‍വ്വഴി )എം.ജി.എം (മുസ്ലിം ഗേള്‍സ് ആന്റ് വുമന്‍സ് മൂവ്‌മെന്റ് ) ജില്ലാസംഗമം14 ന് ശനിയാഴ്ച കണ്ണൂരില്‍ നടക്കും.ചേമ്പര്‍ ഹാളില്‍ രാവിലെ 10 ന് കണ്ണൂര്‍ കോര്‍പ്പറേഷന്‍ മേയര്‍ അഡ്വ.ടി. ഒ മോഹനന്‍ ഉദ്ഘാടനംചെയ്യും. ഡെപ്യൂട്ടി മേയര്‍ കെ ശബീന മുഖ്യാതിഥിയായിരിക്കും. എം.ജി.എം ജില്ലാ പ്രസിഡന്റ് പ്രൊഫ. ഖൈറുന്നിസ ഫാറൂഖിയ്യ അദ്ധ്യക്ഷത വഹിക്കും.
മനുഷ്യന്റെ മാനുഷിക മുഖം ,അടയാളപ്പെടുത്തിയോ ജീവിതം, വേദവെളിച്ചം ജീവിത വെളിച്ചം, ദൈവാവലംബം എന്ന ശക്തി, സുന്ദരമാകട്ടെ നമ്മുടെ വ്യക്തിത്വം തുടങ്ങിയ വിഷയങ്ങള്‍ ചര്‍ച്ച ചെയ്യപ്പെടും.
കെ.എന്‍.എം മര്‍കസുദ്ദഅവ സംസ്ഥാന സെക്രട്ടറി ഡോ. ജാബിര്‍ അമാനി, ജില്ലാ പ്രസിഡന്റ് സി.സി ശക്കീര്‍ ഫാറൂഖി, എം.ജി.എം സംസ്ഥാന പ്രസിഡന്റ് സല്‍മ അന്‍വാരിയ്യ, ജനറല്‍ സെക്രട്ടറി സി.ടി ആയിഷ, ജില്ലാ സെക്രട്ടറി കെ.പി ഹസീന, മുഹ്‌സിന പത്തനാപുരം, റാഫി പേരാമ്പ്ര, സുഹാന ഉമര്‍,മുഹമ്മദ് റാഫി കെ.പി (ഐ.എസ്.എം) ഇജാസ് ഇരിണാവ് (എം.എസ്.എം), ഷാന ഏഴോം ( ഐ.ജി.എം) എന്നിവര്‍ പങ്കെടുക്കും.
