കോഴിക്കോട്: പത്തുവയസുകാരിയെ പീഡിപ്പിച്ച 62 കാരനെ പൊലീസ് അറസ്റ്റ് ചെയ്തു. ആശുപത്രിയില്‍ മാതാവിനൊപ്പമെത്തിയപ്പോഴായിരുന്നു പത്തുവയസുകാരിയെ പീഡിപ്പിക്കാന്‍ 62കാരന്‍ ശ്രമിച്ചത്. ചാത്തമംഗലം കൊളങ്ങരക്കണ്ടി ഖാദറാ (62)ണ് കേസുമായി ബന്ധപ്പെട്ട് ചേവായൂര്‍ പൊലീസിന്റെ അറസ്റ്റിലായത്.
ഇന്നലെ നഗരത്തിലെ സ്വകാര്യ ആശുപത്രിയില്‍ ചികിത്സയ്ക്കായി എത്തിയതായിരുന്നു പെണ്‍കുട്ടിയുടെ മാതാവ്. ഇവര്‍ക്ക് സഹായത്തിനായി എത്തിയതായിരുന്നു പെണ്‍കുട്ടി. കുട്ടിയെ പീഡിപ്പിക്കാന്‍ ശ്രമിക്കുന്നത് ആശുപത്രി ജീവനക്കാരി കാണുകയും പൊലീസിനെ അറിയിക്കുകയുമായിരുന്നു. പൊലീസ് എത്തിയെങ്കിലും പെണ്‍കുട്ടിയും മാതാവും പരാതി നല്‍കാന്‍ തയ്യാറായില്ല. പിന്നീട് പൊലീസ് ശിശുക്ഷേമസമിതിയെ വിവരം അറിയിച്ചു. ശിശുക്ഷേമസമിതി പെണ്‍കുട്ടിയെ വെള്ളിമാടുകുന്ന് ഗേള്‍സ് ഹോമിലേക്ക് മാറ്റാന്‍ ഉത്തരവിടുകയും ചെയ്തു.
