കോഴിക്കോട്: വിതുമ്പുന്ന ഫലസ്തീന്‍ ജനതക്കൊപ്പം എന്ന പ്രമേയത്തെ ആസ്പദമാക്കി സമസ്ത കേരള സുന്നി യുവജന സംഘം (എസ് വൈ എസ്) കോഴിക്കോട് സോണ്‍ കമ്മിറ്റിയുടെ ആഭിമുഖ്യത്തില്‍ വിചാര സദസ്സ് സംഘടിപ്പിച്ചു. മൊഫ്യൂസ്യല്‍ ബസ്റ്റാന്റ് പരിസരത്ത് നടന്ന പരിപാടിയില്‍ എസ് വൈ എസ് സംസ്ഥാന കമ്മിറ്റി അംഗം വള്ള്യാട് മുഹമ്മദലി സഖാഫി മുഖ്യ പ്രഭാഷണം നടത്തി. സുന്നി ജംഇയ്യത്തുല്‍ മുഅല്ലിമീന്‍ ജില്ലാ സെക്രട്ടറി അബ്ദുന്നാസിര്‍ സഖാഫി അമ്പലക്കണ്ടി ഉദ്ഘാടനം ചെയ്തു. സ്വാലിഹ് സഖാഫി അന്നശ്ശേരി അധ്യക്ഷത വഹിച്ചു. സയ്യിദ് മുല്ലക്കോയ തങ്ങള്‍, ഡീലക്‌സ് അബ്ദുര്‍റഹ്മാന്‍ ഹാജി സംബന്ധിച്ചു. ഉമര്‍ മായനാട് സ്വാഗതവും നിസാര്‍ തിരുവണ്ണൂര്‍ നന്ദിയും പറഞ്ഞു.
