കോഴിക്കോട് : കളമശ്ശേരിയില്‍ യഹോവാ സാക്ഷികളുടെ പ്രാര്‍ത്ഥനാ സദസ്സില്‍ നടന്ന സ്‌ഫോടനത്തെ കെ.എന്‍. എം മര്‍കസുദ്ദ അവ ജന: സെക്രട്ടറി സി.പി. ഉമര്‍ സുല്ലമി അപലപിച്ചു. സമൂഹത്തിന്റെ സ്വാസ്ഥ്യം തകര്‍ക്കാനും വര്‍ഗ്ഗീയ ചേരിതിരിവുണ്ടാക്കാനും ഇത്തരം പ്രവര്‍ത്തനങ്ങള്‍ കാരണമാകും എന്നത് അതീവ ഗൗരവമായി കാണണം. തീവ്രവാദ ശക്തികളെ നിലക്ക് നിര്‍ത്താന്‍ സര്‍ക്കാര്‍ കര്‍ശന നടപടികള്‍ സ്വീകരിക്കേണ്ടതുണ്ട്.
സ്‌ഫോടനത്തെക്കുറിച്ച് സമഗ്രമായ അന്വേഷണം നടത്തി കുറ്റവാളികളെ എത്രയും പെട്ടെന്ന് വെളിച്ചത്ത് കൊണ്ട് വരാനും മാതൃകാപരമായി ശിക്ഷിക്കാനും സര്‍ക്കാര്‍ അടിയന്തിര നടപടികള്‍ സ്വീകരിച്ചേ മതിയാകൂ.
കളമശ്ശേരി സ്‌ഫോടനത്തിന്റെ മറപിടിച്ച് സംസ്ഥാനത്തെ സാമുഹ്യാന്തരീക്ഷം കല്യഷമാക്കാന്‍ വര്‍ഗീയ ശക്തികളും സാമൂഹ്യദ്രോഹികളും രംഗത്ത് വരാനിടയുള്ളതിനാല്‍ സര്‍ക്കാരും കേരള സമൂഹവും ജാഗ്രവത്താവണം.
കേരളത്തിന്റെ സൈ്വര്യം തകര്‍ക്കാനിറങ്ങിത്തിരിച്ചവരാരാണെങ്കിലും അവര്‍ക്കെതിരെ ഒറ്റക്കെട്ടായി പ്രതികരിക്കാന്‍ സമൂഹം മുന്നോട്ട് വരണ മെന്നും സി.പി ഉമര്‍ സുല്ലമി പ്രസ്താവനയില്‍ പറഞ്ഞു.
