കൊണ്ടോട്ടി: സ്വാതന്ത്ര്യസമര സേനാനിയും കവിയുമായിരുന്ന കമ്പളത്ത് ഗോവിന്ദന്‍ നായരുടെ 40-ാം ചരമവാര്‍ഷികത്തോടനുബന്ധിച്ച് മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി നടത്തിയ സമരഗീതം രചനാ മത്സരത്തില്‍ കമ്പളത്ത് രണഗീതം പുരസ്‌കാരത്തിന് സുബൈര്‍ പടപ്പില്‍ (കാസര്‍കോട്) അര്‍ഹനായി.
പ്രോത്സാഹന സമ്മാനത്തിന് നിബിന്‍ കള്ളിക്കാട് (തിരുവനന്തപുരം), ഉമ്മുകുല്‍സു ഇ. (മലപ്പുറം) എന്നിവരും അര്‍ഹത നേടി. അനില്‍ ചേലേമ്പ്ര, അഭിലാഷ് മലയില്‍, ഫൈസല്‍ എളേറ്റില്‍, പക്കര്‍ പന്നൂര്‍ എന്നിവര്‍ ഉള്‍പ്പെട്ട ജൂറിയാണ് ജേതാക്കളെ തെരഞ്ഞെടുത്തത്.
അടുത്ത് നടക്കുന്ന കമ്പളത്ത് ഗോവിന്ദന്‍ നായര്‍ അനുസ്മരണ ചടങ്ങില്‍വെച്ച് അവാര്‍ഡുകള്‍ വിതരണം ചെയ്യുന്നതാണെന്ന് അക്കാദമി സെക്രട്ടറി ബഷീര്‍ ചുങ്കത്തറ അറിയിച്ചു.
