വെളളിമാടുകുന്ന്: ഈസ്റ്റ് വെള്ളിമാടുകുന്നു കനാല്‍ വ്യൂ റസിഡന്റ്സ് അസോസിയേഷന്‍ ആറാം വാര്‍ഷികം കേരള സംസ്ഥാന വിദ്യാഭ്യാസ ഉപദേശക ബോര്‍ഡ് ചെയര്‍മാന്‍ ഡോ. ജെ പ്രസാദ് ഉദ്ഘാടനം ചെയ്തു. വിവിധ സംസ്‌കാരങ്ങളുടെ സംഗമഭൂമിയായ ഇന്ത്യയുടെ സൗന്ദര്യം നാനാത്വത്തില്‍ ഏകത്വമാണെന്നും അത് നാം കാത്തു സൂക്ഷിക്കണമെന്നും അദ്ദേഹം പറഞ്ഞു.
ദര്‍ശനം സാംസ്‌കാരിക വേദി സെക്രട്ടറി എം. എ. ജോണ്‍സണ്‍ മുഖ്യ പ്രഭാഷണം നടത്തി. കൗണ്‍സിലര്‍മാരായ എം.പി ഹമീദ്, ടി.കെ ചന്ദ്രന്‍ റസിഡന്റ്സ് കോര്‍ഡിനേഷന്‍ സെക്രട്ടറി സലീംബാബു ആശംസകള്‍ അര്‍പ്പിച്ചു. എഴുത്തുകാരന്‍കൂടിയായ അസോസിയേഷന്‍ പ്രസിഡന്റ് ഡഗ്ലസ് ഡിസില്‍വയെ ആദരിച്ചു.
പ്രദേശവാസികളുടെ കലാപരിപാടികളും താളം മ്യൂസിക് ബാന്റിന്റെ സംഗീത നിശയും നടന്നു. ദില്‍ഷാദ് സി പി, ബെന്നി അലക്‌സാണ്ടര്‍, രവീന്ദ്രന്‍ കെ പി, വിനോദ് കുമാര്‍ എം, ഗോപിനാഥന്‍, ശമ്മാസ് എ.കെ, ഷെര്‍ഹബീല്‍ എം തുടങ്ങിയവര്‍ സംസാരിച്ചു.
