കൊണ്ടോട്ടി: വിശ്വമാനവികതയ്ക്ക് വേദവെളിച്ചം എന്ന പ്രമേയത്തിൽ നടക്കുന്ന മുജാഹിദ് പത്താം സംസ്ഥാന സമ്മേളനത്തോടനുബന്ധിച്ച് യുവത ബുക് ഹൗസ് സംഘടിപ്പിക്കുന്ന ബുക്സ്റ്റാൾജിയ മെഗാ പുസ്തക മേളക്ക് നാളെ വെള്ളി) സമ്മേളന നഗരിയായ കരിപ്പൂർ വെളിച്ചം നഗറിൽ തുടക്കമാവും.
മെഗാ പുസ്തകമേളയുടെ ഉദ്ഘാടനം ഇന്ന് വൈകുന്നേരം 5:30 ന് മലയാളത്തിന്റെ പ്രിയ കഥാകാരൻ പി.കെ പാറക്കടവ് നിർവഹിക്കും.യുവത ഡയറക്ടർ ഡോ: ഫുഖാർ അലി അധ്യക്ഷത വഹിക്കും, യുവത സി.ഇ.ഒ ഹാറൂൺ കക്കാട്, ഐ.സ്.എം സംസ്ഥാന ജനറൽ സെക്രട്ടറി ഡോ.അൻവർ സാദത്ത് പ്രസംഗിക്കും. കേരളത്തിന്റെ അകത്തും പുറത്തുമുള്ള പ്രമുഖ പ്രസാധകരുടെ പുസ്തകങ്ങളുടെ അതിവിശാലമായ ശേഖരങ്ങളോടെയാണ് മെഗാ പുസ്തകമേള ഒരുങ്ങുന്നത്.
ഡി.സി, മാതൃഭൂമി, ഒലീവ്, ഐ പി എച്ച്, കെ .എൻ . എം ബുക്സ്, പൂമരം, ബുക് പ്ലസ്, വചനം, ഗ്രെയ്സ്,, ലിപി, അദർ, സിൻ്റില, ഉർവ, ബുക്കഫെ, തുടങ്ങി ഒട്ടേറെ പ്രസാധകർ മേളയിൽ പങ്കെടുക്കും. മേളയോടനുബന്ധിച് പുസ്തക ചർച്ച, ഓഥേഴ്‌സ് മീറ്റ് തുടങ്ങിയ വ്യത്യസ്ത പരിപാടികളും സംഘടിപ്പിക്കും. സമ്മേളനത്തിന്റെ വിവിധ വേദികളിലായി യുവത ബുക്സിന്റെ അറുപതോളം പുതിയ പുസ്തകങ്ങൾ പ്രകാശിതമാവും.
