ആയഞ്ചേരി : ആയഞ്ചേരി ഗ്രാമ പഞ്ചായത്ത് മംഗലാട് 13-ാം വാർഡിൽ പൾസ് പോളിയോ ഇമ്യൂണൈസേഷൻ പരിപാടി മെമ്പർ എ.സുരേന്ദ്രൻ പോളിയോ വാക്സിൻ നൽകി ഉദ്ഘാടനം നിർവ്വഹിച്ചു. പോളിയോ വൈറസ് മറ്റുള്ളവരിലേക്ക് പടരാതിരിക്കാൻ കഴിയുന്നത് കൊണ്ട് മുഴുവൻ കുട്ടികളും വാക്സിൻ സ്വീകരിക്കണം. ആരോഗ്യമുള്ള ഒരു തലമുറയെ സൃഷ്ടിക്കാൻ ഓരോ കുട്ടിയെയും പോളിയോ നിർമ്മാർജ്ജന പദ്ധതിയിൽ പങ്കെടുപ്പിക്കേണ്ടത് സമൂഹത്തിന്റെ കടമയാണെന്ന് മെമ്പർ പറഞ്ഞു. ജെ.എച്ച്. ഐ ഫാത്തിമത്തുൽ നൂറ, ആശാവർക്കർ റീന ടി.കെ, ആരോഗ്യ വളണ്ടിയർ മേഘ പി.പി നേതൃത്വം നൽകി.
