തലശ്ശേരി: മുബാറക്ക് ഹയർ സെക്കൻണ്ടറി സ്കൂൾ നവതി ആഘോഷത്തോടനുബന്ധിച്ച് വേനലവധിക്കാലത്ത് വിദ്യാർത്ഥികൾക്ക് ജീവിത നൈപുണി പരിശീലന ക്യാമ്പ് നടത്തുന്നു. വിദ്യാർത്ഥികൾക്ക് അവരുടെ കഴിവുകളും നൈപുണിയും വികസിപ്പിച്ച് ആത്മവിശ്വാസത്തോടെ ജീവിത വിജയം നേടുന്നതിനാവശ്യമായ ശേഷികൾ വികസിപ്പിക്കുന്ന രീതിയിലാണ് ക്യാമ്പ്.
ഇപ്പോൾ 4, 5, 6, 7 ക്ലാസുകളിൽ പഠിക്കുന്ന തലശ്ശേരിയിലും പരിസര പ്രദേശങ്ങളിലുമുള്ള വിദ്യാർത്ഥികൾക്ക് പങ്കെടുക്കാം. രാവിലെ 9 മണി മുതൽ 5 മണി വരെ 3 ദിവസമാണ് ക്യാമ്പ്. വിദഗ്ധരായ ട്രെയിനർമാർ ക്യാമ്പിന് നേതൃത്വം നൽകും. അവധിക്കാല പഠന പരിശീലന ക്യാമ്പ് ഏപ്രിൽ അവസാന വാരത്തിൽ തലശ്ശേരി മുബാറക്ക് ഹയർ സെക്കൻണ്ടറി സ്കൂളിലാണ് നടക്കുക.
താല്പര്യമുള്ളവർ മുൻകൂട്ടി പേര് രജിസ്റ്റർ ചെയ്യേണ്ടതാണ്. ആദ്യം രജിസ്റ്റർ ചെയ്യുന്ന 100 പേർക്കാണ് അവസരം. രജിസ്ട്രേഷൻ ഫീസില്ല. പ്രവേശനം സൗജന്യമാണ്. ക്യാമ്പിൽ വിദ്യാർത്ഥികൾക്കാവശ്യമായ ഭക്ഷണം, പഠന സാമഗ്രികകൾ എന്നിവ സൗജന്യമായി നൽകുന്നതാണ്. ഫോൺ: 9447709121, 9496354786
