കൊച്ചി: എറണാകുളം പാർലമെന്റ് മണ്ഡലം എൽഡിഎഫ് സ്ഥാനാർഥി സ. ഷൈൻ ടീച്ചർ അട്ടിമറി വിജയം നേടുമെന്ന് രാഷ്ട്രീയ ജനതാദൾ എറണാകുളം മുൻ ജില്ലാ പ്രസിഡണ്ടും, സംസ്ഥാന കമ്മിറ്റി മെമ്പറുമായ ശ്രീ. ബിജു തേറാട്ടിൽ കൊച്ചിയിൽ വാർത്താക്കുറിപ്പിൽ പറഞ്ഞു.
കോൺഗ്രസ് നേതാക്കളുടെ മക്കളായ പത്മജ വേണുഗോപാൽ, അനിൽ ആന്റണി എന്നിവരുടെ നിലപാടുകൾ കേരളത്തിലെ ജനാധിപത്യ വിശ്വാസികൾ തിരിച്ചറിയണമെന്നും ഇടത് പക്ഷ ജനാധിപത്യമുന്നണിയുടെ സ്ഥാനാർഥികളെ വിജയിപ്പിക്കുവാൻ എല്ലാവരും കൂട്ടായി തയ്യാറാവണമെന്ന് അദ്ദേഹം ആഹ്വാനം ചെയ്തു.
