മാത്തറ: കെ.എന്‍.എം എം.ജി നഗർ ശാഖയുടെ ആഭിമുഖ്യത്തിലുള്ള ഈദ്ഗാഹ് മാത്തറ എം.ജി നഗർ CIRHS സ്‌കൂൾ ഗ്രൗണ്ടിൽ വെച്ച് നടന്നു. രാവിലെ 7.30ന് നടന്ന പെരുന്നാള്‍ നമസ്കാരത്തിന് അൻഷിദ് ഷാൻ പോത്തുകല്ല് നേതൃത്വം നൽകി. റമസാനില്‍ ശീലിച്ച ജീവിത ശുദ്ധിയും ലാളിത്യവും ദൈവിക സ്മരണയും ജീവിതത്തിലാകെ തുടരണമെന്നും, ഈദ് ആശംസകള്‍ കൈമാറുന്നതോടൊപ്പം സഹജീവികളും നമ്മെപ്പോലെ സന്തോഷിക്കുന്നുണ്ട് എന്ന് ഉറപ്പു വരുത്താന്‍ പ്രത്യേകം ശ്രദ്ധിക്കണമെന്നും ഈദ് ഖുതുബയിലൂടെ അദ്ദേഹം വിശ്വാസികളെ ഓർമപ്പെടുത്തി.
