ഹൈദരാബാദ്: കോണ്‍ഗ്രസ് സ്ഥാനാര്‍ത്ഥികളെ വിജയിപ്പിക്കണമെന്ന് സി പി എമ്മും സി പി ഐയും. ഇതിനായി തെലങ്കാനയിയില്‍ സി പി എമ്മിന്റെയും സി പി ഐയുടേയും മുതിര്‍ന്ന നേതാക്കള്‍ തന്നെ പ്രചരണത്തിന് വേണ്ടി ഇറങ്ങി. കൊഡാഡ് മണ്ഡലത്തില്‍ മത്സരിക്കുന്ന സംസ്ഥാന മന്ത്രി ഉത്തംകുമാര്‍ റെഡ്ഡിക്ക് വേണ്ടിയും നല്‍ഗൊണ്ട മണ്ഡലത്തില്‍ മത്സരിക്കുന്ന കെ രഘുവീര്‍ റെഡ്ഡിക്കും വേണ്ടിയാണ് ഇടതുനേതാക്കള്‍ പ്രചരണത്തിനിറങ്ങിയിട്ടുള്ളത്.
കോണ്‍ഗ്രസ് സ്ഥാനാര്‍ത്ഥിക്ക് വേണ്ടിയുള്ള പ്രചരണത്തില്‍ പങ്കാളികളാകാന്‍ എത്തിയ സി പി എം, സി പി ഐ നേതാക്കളെ ഹാര്‍ദവമായി സ്വാഗതം ചെയ്യുന്നതായും രാജ്യത്തെ ജനാധിപത്യം സംരക്ഷിക്കുന്നതിന് വേണ്ടിയുള്ള സുപ്രധാനമായ പോരാട്ടം നടക്കവേ കോണ്‍ഗ്രസിനെ പിന്തുണക്കുന്നതില്‍ അവര്‍ക്ക് നന്ദി പറയുന്നതായും ഉത്തംകുമാര്‍ റെഡ്ഡി പറഞ്ഞു.
സി പി ഐയുടെയും സി പി എമ്മിന്റെയും പിന്തുണയോടെ 17 നിയോജക മണ്ഡലങ്ങളില്‍ 15ഉം നേടിയ ഉജ്ജ്വല വിജയം ആവര്‍ത്തിക്കുമെന്ന് ഉത്തംകുമാര്‍ ആത്മവിശ്വാസം പ്രകടിപ്പിച്ചു. സംസ്ഥാനത്തൊട്ടാകെ കോണ്‍ഗ്രസ് സ്ഥാനാര്‍ത്ഥികളെ പിന്തുണക്കണമെന്ന് സി പി ഐ, സി പി എം നേതാക്കളോട് ഉത്തംകുമാര്‍ റെഡ്ഡി അഭ്യര്‍ത്ഥിച്ചിട്ടുണ്ട്.
