കോഴിക്കോട്: നാഷണല്‍ ഇന്‍സ്റ്റിറ്റിയൂട്ട് ഓഫ് ടെക്‌നോളജിയും കെ എം സി ടി മെഡിക്കല്‍ കോളേജും കെ എം സി ടി ഡെന്റല്‍ കോളേജും വിദ്യാഭ്യാസം, ഗവേഷണം, സാങ്കേതിക വികസനം, അതിന്റെ വിവര്‍ത്തനം എന്നിവയില്‍ സഹകരണം പ്രോത്സാഹിപ്പിക്കുന്നതിനായി ഇരുവരും ധാരണാപത്രത്തില്‍ ഒപ്പുവച്ചു. എന്‍ ഐ ടി സി യില്‍ സംഘടിപ്പിച്ച ചടങ്ങില്‍ എന്‍ ഐ ടി സി ഡയറക്ടര്‍ പ്രൊഫ. പ്രസാദ് കൃഷ്ണ, കെ എം സി ടി മെഡിക്കല്‍ കോളജ് പ്രിന്‍സിപ്പല്‍ ഡോ.ലതി നായര്‍, കെ എം സി ടി ഡെന്റല്‍ കോളജ് പ്രിന്‍സിപ്പല്‍ ഡോ. മനോജ്കുമാര്‍ എന്നിവരാണ് ധാരണാപത്രത്തില്‍ ഒപ്പുവച്ചത്.
എന്‍ ഐ ടിയിലെ സെന്റര്‍ ഫോര്‍ ഇന്‍ഡസ്ട്രി ഇന്‍സ്റ്റിറ്റിയൂഷണല്‍ റിലേഷന്‍സ് ചെയര്‍പേഴ്‌സണ്‍ ഡോ. ജോസ് മാത്യു, കെ എം സി ടി മെഡിക്കല്‍ ഡെന്റല്‍ കോളേജ് എന്നിവയില്‍ നടക്കുന്ന ചില പ്രോജക്ടുകളെക്കുറിച്ച്അദ്ദേഹം സൂചിപ്പിച്ചു. ധാരണാപത്രം ഗവേഷണവും വികസനവും പ്രോത്സാഹിപ്പിക്കുന്നതിനുള്ള സഹകരണം ശക്തിപ്പെടുത്തുമെന്നും രണ്ട് സ്ഥാപനങ്ങള്‍ക്കിടയില്‍ ശക്തമായ ബന്ധം സ്ഥാപിക്കുമെന്നും എന്‍ ഐ ടി സി ഡയറക്ടര്‍ പ്രൊ പ്രസാദ് കൃഷ്ണ പറഞ്ഞു. ഡോക്ടര്‍മാര്‍ക്കിടയില്‍ മെഡിക്കല്‍ നടപടിക്രമങ്ങളില്‍ ഗവേഷണത്തിന്റെയും സാങ്കേതിക ഇടപെടലിന്റെയും പ്രാധാന്യം കെ എം സി ടി മെഡിക്കല്‍ കോളേജ് പ്രിന്‍സിപ്പല്‍ ഡോ. ലതി നായര്‍ വ്യക്തമാക്കി.
മെറ്റീരിയല്‍ സയന്‍സ്, നാനോ ടെക്‌നോളജി, ആര്‍ട്ടിഫിഷ്യല്‍ ഇന്റലിജന്‍സ് ആപ്ലിക്കേഷനുകള്‍, 3 ഡി പ്രിന്റിംഗിലൂടെയുള്ള സര്‍ജിക്കല്‍ സ്‌റ്റെന്റ് പ്രോട്ടോടൈപ്പിംഗ് എന്നിവയാണ് ഡെന്റല്‍ കോളേജ് സഹകരണ ഗവേഷണത്തിനായി ഉദ്ദേശിക്കുന്ന ചില പ്രത്യേക മേഖലകളെന്ന് കെഎംസിടി ഡെന്റല്‍ കോളേജ് പ്രിന്‍സിപ്പല്‍ ഡോ. മനോജ് കുമാര്‍ ചൂണ്ടിക്കാട്ടി.
കെ എം സി ടി മെഡിക്കല്‍ കോളേജിലെ ഡോ. രാജേന്ദ്രന്‍, ഡോ. കുര്യാക്കോസ്, ഡോ. രൂപേഷ് രാമന്‍ എന്നിവരും സന്നിഹിതരായി. കെ എം സി ടി ഡെന്റല്‍ കോളേജിലെ ഡോ. സന്തോഷും മെഡിക്കല്‍ രംഗത്ത് സാധ്യമാകുന്ന സാങ്കേതിക ഇടപെടലുകളെ കുറിച്ച് സംസാരിച്ചു.
എന്‍ഐടിസി ഡെപ്യൂട്ടി ഡയറക്ടര്‍ ഡോ. സതീദേവി, ഡീന്‍ അക്കാദമിക് ഡോ. സമീര്‍ എസ്.എം, രജിസ്ട്രാര്‍ ഡോ. ഷാമസുന്ദര സംസാരിച്ചു.എന്‍ ഐ ടി സിയിലെ ഡോ. മധു കുമാര്‍ എസ് ഡി, ഡോ. അബ്ദുള്‍ നസീര്‍ കെ എ, ഡോ. പൗര്‍ണമി, ഡോ. ജയരാജ്, ഡോ. പ്രവീണ്‍ ശങ്കരന്‍, ഡോ. പ്രീതി തുടങ്ങിയവര്‍ ചര്‍ച്ചയില്‍ പങ്കെടുത്തു.
രണ്ടു സ്ഥാപനങ്ങളിലെയും വിഭവശേഷി പ്രയോജനപ്പെടുത്തിക്കൊണ്ട് സംയുക്ത പ്രോജക്ടുകള്‍, ഇന്‍ഡേണ്‍ഷിപ്പുകള്‍, ഗവേഷണങ്ങള്‍, ഇലക്ടീവ് കോഴ്‌സുകള്‍ എന്നിവയുമാണ് ധാരണാപത്രം കൊണ്ട് ലക്ഷ്യമിടുന്നതെന്ന് കെ എം സി ടി മെഡിക്കല്‍ കോളജ് പ്രിന്‍സിപ്പല്‍ ഡോ. ലതി നായരും കെ എം സി ടി ഡെന്റല്‍ കോളജ് പ്രിന്‍സിപ്പല്‍ ഡോ. മനോജ്കുമാറും പറഞ്ഞു.
