കോഴിക്കോട് : വിസ്‌ഡം ഇസ്ലാമിക്‌ ഓർഗാനൈസേഷൻ കുറ്റിച്ചിറ ശാഖ വിജ്ഞാന വേദിയും അവാർഡ് ദാനവും സംഘടിപ്പിച്ചു. വിസ്‌ഡം കോഴിക്കോട് ജില്ലാ പ്രസിഡന്റ്‌ വി ടി ബഷീർ ഉദ്ഘാടനം ചെയ്തു. വിസ്‌ഡം കുറ്റിച്ചിറ ശാഖ പ്രസിഡന്റ്‌ കെ വി മുഹമ്മദ്‌ ഷുഹൈബ് അധ്യക്ഷത വഹിച്ച ചടങ്ങിൽ നിഹാദ് എം സി സി മുഖ്യ പ്രഭാഷണം നടത്തി.
എസ് എസ് എൽ സി പരീക്ഷയിൽ ഉന്നത വിജയം കൈവരിച്ച മുഹമ്മദ്‌ സൈൻ, അഹമ്മദ് മഷൂദ്, മുഹമ്മദ്‌ ഫൈസാൻ, അബീന പർവീൺ എന്നിവരെയും പ്ലസ് ടു പരീക്ഷയിൽ ഉന്നത വിജയം നേടിയ ആമീൻ എം എസ്, സിയാദ പി വി, അഫീഫ് താജുദ്ധീൻ എന്നിവരെയും വിസ്‌ഡം എഡ്യൂക്കേഷൻ ബോർഡ് പൊതു പരീക്ഷയിൽ ഉന്നത വിജയം നേടിയ മുഹമ്മദ്‌ റാദിൻ, ഖുർആൻ ഹദീസ് ലേണിംഗ് സ്കൂൾ പൊതു പരീക്ഷയിൽ മുഴുവൻ മാർക്കും കരസ്ഥമാക്കിയ പി എസ് എം മറിയമ്പി എന്നിവരെയും അവാർഡ് നൽകി ആദരിച്ചു.
വിസ്‌ഡം സിറ്റി മണ്ഡലം സെക്രട്ടറി കെ വി മുഹമ്മദ്‌ സാബിർ ആശംസകൾ അർപ്പിച്ചു. വിസ്‌ഡം ശാഖ സെക്രട്ടറി ഇ വി മുഹമ്മദ്‌ സാഹിർ സ്വാഗതവും വിസ്‌ഡം യൂത്ത് പ്രസിഡന്റ്‌ വി സാബിർ നന്ദിയും പറഞ്ഞു.
