മലപ്പുറം: വെളിയങ്കോടില്‍ നിയന്ത്രണം വിട്ട ബൈക്ക് പാലത്തില്‍ കൈവരി നിര്‍മിക്കുന്നതിനായി കെട്ടിയ കമ്പിയിലേക്ക് ഇടിച്ച് കയറി യുവാക്കള്‍ക്ക് ദാരുണാന്ത്യം. വെളിയംകോട് സ്വദേശി ആഷിക്ക് (22), കരിങ്കല്ലത്താണി സ്വദേശി ഫാസില്‍ (19) എന്നിവരാണ് മരിച്ചത്. നിയന്ത്രണം വിട്ട ബുള്ളറ്റ് പാലത്തില്‍ കൈവരി നിര്‍മിക്കുന്നതിനായി കെട്ടിയ കമ്പിയിലേക്ക് ഇടിച്ച് കയറിയാണ് അപകടമുണ്ടായത്.
ഇന്നലെ രാത്രിയാണ് അപകടം സംഭവിച്ചത്. ചാവക്കാട് പൊന്നാനി ദേശീയ പാതയില്‍ വെളിയംകോട് ആണ് അപകടം. അപകടത്തില്‍ പരിക്കേറ്റ ആഷികിനെ നാട്ടുകാര്‍ പൊന്നാനി ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. ഗുരുതരമായ പരിക്കേറ്റ ഫാസിലിനെ കോട്ടക്കലിലെ സ്വകാര്യആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു.
