തലശ്ശേരി : തലശ്ശേരി സൗത്ത് ഉപജില്ല വിദ്യാരംഗം കലാസാഹിത്യ വേദിയുടെ ഈ വർഷത്തെ പ്രവർത്തനോദ്ഘാടനത്തോടനുബന്ധിച്ച് തലശ്ശേരി മുബാറക്ക് ഹയർസെക്കൻഡറി സ്കൂളിൽ നടത്തിയ പുസ്തകോത്സവം വാർഡ് കൗൺസിലർ പ്രീത പ്രദീപ് ഉദ്ഘാടനം ചെയ്തു. പ്രധാനാധ്യാപകൻ എംപി മജീദ് അധ്യക്ഷത വഹിച്ചു.
പ്രിൻസിപ്പൽ ടി എം മുഹമ്മദ് സാജിദ്, മാനേജർ സി ഹാരിസ് ഹാജി, മാനേജ്മെൻ്റ് കമ്മിറ്റി സെക്രട്ടറി ബഷീർ ചെറിയാണ്ടി, വിദ്യാരംഗം കലാസാഹിത്യവേദി സബ്ജില്ലാ കൺവീനർ സി പി ഷാജി, വിദ്യാരംഗം മുബാറക്ക് സ്കൂൾ കൺവീനർ എം കെ കുഞ്ഞബ്ദുള്ള എന്നിവർ പ്രസംഗിച്ചു. രണ്ടു ദിവസമായി നടക്കുന്ന പുസ്തകമേള ജൂലൈ 10ന് സമാപിക്കും.
തലശ്ശേരി സൗത്ത് ഉപജില്ല വിദ്യാരംഗം കലാസാഹിത്യവേദി പ്രവർത്തന ഉദ്ഘാടനം ജൂലൈ 10 ന് രാവിലെ 10 മണിക്ക് തലശ്ശേരി മുബാറക്ക് ഹയർ സെക്കൻഡറി സ്കൂൾ ഓഡിറ്റോറിയത്തിൽ എം വി ജനാർദ്ദനൻ മാസ്റ്റർ നിർവ്വഹിക്കും. ഉച്ചക്ക് നടക്കുന്ന സർഗ്ഗ സല്ലാപത്തിന് ജിഷ്ണു നിള്ളങ്ങൽ നേതൃത്വം നൽകും.
