തിരുവനന്തപുരം: ഡിസി ബാലസാഹിത്യ നോവൽ മത്സരം 2024-ലെ സമ്മാനാർഹമായ ബാലസാഹിത്യ നോവൽ, സുരേഷ്കുമാർ വി എഴുതിയ “സുബേദാർ ചന്ദ്രനാഥ് റോയ് ” പ്രകാശനം ചെയ്തു.
തിരുവനന്തപുരം പ്രസ്ക്ലബിൽ നടന്ന ചടങ്ങിൽ രചയിതാവിൻ്റെ സാന്നിധ്യത്തിൽ സാഹിത്യകാരൻ ജിആർ ഇന്ദുഗോപൻ എഴുത്തുകാരി ദക്ഷിണ എസ്എൻ നു നൽകി പുസ്തകം പ്രകാശനം ചെയ്തു. വി.ആർ. സുധീഷ് മുഖ്യാതിഥി ആയിരുന്നു. മഞ്ജു സാം പുസ്തക പരിചയം നടത്തി.
ജോർജ് ജോസഫ് കെ , വിനു എബ്രഹാം, ശ്രീകണ്ഠൻ കരിക്കകം, ജേക്കബ് എബ്രഹാം, വി എസ് അജിത്ത്, ഇടപ്പോൺ അജികുമാർ, സതീജ വിആർ, മഹേഷ് മാണിക്യം, ജി സുഭാഷ് ബാബു, ഉണ്ണികൃഷ്ണൻ കുണ്ടയത്ത് , ദത്തു ദത്താത്രേയ തുടങ്ങിയ നിരവധി എഴുത്തുകാരും സാഹിത്യ പ്രേമികളും ചടങ്ങിന് സാക്ഷ്യം വഹിച്ചു.
