പെരിക്കല്ലൂർ: പെരിക്കല്ലൂർ ഗവ.ഹയർ സെക്കണ്ടറി സ്കൂളിൽ വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ വിപുലമായ രീതിയിൽ കേരളപ്പിറവി ദിനം ആഘോഷിച്ചു. കട്ടികളെ ഉപയോഗിച്ചുകൊണ്ട് മെഗാ കേരള ഭൂപടം സ്കൂൾ മൈതാനത്ത് നിർമ്മിച്ചു. കർഷക ശ്രീ അവാർഡ് ജേതാവും ജൈവ കർഷകനുമായ രാജു കൃഷ്ണൻ്റെ കൃഷിസ്ഥലം സന്ദർശിക്കുകയും അദ്ദേഹവുമായി കുട്ടികൾ മുഖാമുഖം നടത്തുകയും ചെയ്തു.
ദിനാഘോഷങ്ങളുടെ ഉദ്ഘാടനം പ്രിൻസിപ്പാൾ പി.കെ. വിനുരാജൻ നിർവ്വഹിച്ചു. പി.ടി.എ. പ്രസിഡൻ്റ് ഗിരീഷ് കുമാർ ജി.ജി അധ്യക്ഷത വഹിച്ചു. പ്രധാനാധ്യാപകൻ ഷാജി പുൽപ്പള്ളി കേരളപ്പിറവിദിന സന്ദേശം നൽകി. സ്കൂൾ ലീഡർ റിയ ഫാത്തിമ കെ. ആർ. ഭാഷാ പ്രതിജ്ഞ ചൊല്ലിക്കൊടുത്തു. എസ്.എം.സി. ചെയർമാൻ അബ്ദുൾ റസാക്ക് പി.കെ., എം.പി.ടി.എ പ്രസിഡൻ്റ് ഗ്രേസി റെജി, സീനിയർ അസിസ്റ്റൻ്റ് ഷാജിമാത്യു, രാജേന്ദ്രൻ പി, രതീഷ് സി.വി, കുമാരൻ സി.സി, ബീന എം.ബി, ഷിജിന പി.ആർ, നക്ഷത്ര ഗിരീഷ് എന്നിവർ ആശംസ അർപ്പിച്ച് സംസാരിച്ചു.
