കോഴിക്കോട്: മൗലാന അബുൽ കലാം ആസാദിന്റെ നൂറ്റി മുപ്പത്തിയാറാം ജന്മവാർഷിക ദിനത്തിന്‍റെ ഭാഗമായി 11ന് തിങ്കളാഴ്ച രാവിലെ 10 മണിക്ക് ‘ഇന്ത്യൻ മതേതരത്വം – ഒരു പതിറ്റാണ്ടിന്റെ പോറലുകൾ’ എന്ന വിഷയത്തിൽ സെമിനാര്‍ നടത്തുന്നു. എം എം ഹസ്സൻ ചെയർമാനായ മൗലാന ആസാദ് മെമ്മോറിയൽ ട്രസ്റ്റിന്റെ ആഭിമുഖ്യത്തിലാണ് സെമിനാര്‍ നടക്കുക.
പ്രതിപക്ഷ നേതാവ് വി ഡി സതീശൻ ഉദ്ഘാടനം നിർവ്വഹിക്കും. എംഎം ഹസ്സൻ അധ്യക്ഷത വഹിക്കും. എം.കെ. രാഘവൻ MP, എം.വി. ശ്രേയംസ്കുമാർ, സിപി ജോൺ, അഡ്വ. കെ. പ്രവീൺകുമാർ, ഹുസൈൻ മടവൂർ, കെ വി മനോജ് തുടങ്ങിയവർ പങ്കെടുക്കുമെന്ന് മൌലാന ആസാദ് മെമ്മോറിയല്‍ ട്രസ്റ്റ് ജനറല്‍ സെക്രട്ടറി കെ പി നൌഷാദ് അറിയിച്ചു.
