തിരുവനന്തപുരം : സംഗീതരത്നം താമരശ്ശേരി ഈശ്വരൻ ഭട്ടതിരി രചിച്ച് കേരള ഭാഷാ ഇൻസ്റ്റിറ്റ്യൂട്ട് പ്രസിദ്ധീകരിച്ച ‘സംഗീതകലാനിധി ജി. എൻ. ബാലസുബ്രഹ്മണ്യത്തിന്റെ കൃതികൾ’ എന്ന പുസ്തകത്തിന്റെ പ്രകാശനവും ഏകദിനസെമിനാറും ജനുവരി 27ന് തിങ്കളാഴ്ച രാവിലെ 10 മണിക്ക് തിരുവനന്തപുരം സർക്കാർ വനിതാ കോളെജിൽ പത്മഭൂഷൻ സംഗീതകലാനിധി തൃശ്ശൂർ വി. രാമചന്ദ്രൻ നിർവഹിക്കും. സർക്കാർ വനിതാ കോളെജ് പ്രിൻസിപ്പൽ അനില ജെ. എസ്. പുസ്തകം ഏറ്റുവാങ്ങും. കുമാര കേരളവർമ, ഡോ. കെ. ഓമനക്കുട്ടി എന്നിവർ മുഖ്യാതിഥികളാകും. കേരള ഭാഷാ ഇൻസ്റ്റിറ്റ്യൂട്ട് ഡയറക്ടർ ഡോ. എം. സത്യൻ അധ്യക്ഷനാകും. പ്രൊഫസർ വൈക്കം വേണുഗോപാലൻ, താമരശ്ശേരി ഈശ്വരൻ ഭട്ടതിരി എന്നിവർ സംസാരിക്കും. വനിതാ കോളെജ് സംഗീതവിഭാഗം മേധാവി ഡോ. ധനലക്ഷ്മി സി. സ്വാഗതവും കേരള ഭാഷാ ഇൻസ്റ്റിറ്റ്യൂട്ട് റിസർച്ച് ഓഫീസർ ശ്രീകല ചിങ്ങോലി നന്ദിയും പറയും.
തുടർന്ന് 11. 30 മുതൽ 12. 30 വരെ നടക്കുന്ന സെഷനിൽ ജി. എൻ. ബിയും സംഗീതവും എന്ന വിഷയത്തിൽ കലൈമാമണി ചാരുമതി രാമചന്ദ്രൻ പ്രബന്ധം അവതരിപ്പിക്കും. ഡോ. ശ്യാമ കെ. ആർ. മോഡറേറ്ററാകും. ജി.എൻ.ബിയുടെ സംഗീതസാഹിത്യം എന്ന വിഷയത്തിൽ ഉച്ചയ്ക്ക് 1. 30 മുതൽ 2. 30 വരെ നടക്കുന്ന സെഷനിൽ ഡോ. താമരശ്ശേരി ഈശ്വരൻ ഭട്ടതിരി പ്രബന്ധം അവതരിപ്പിക്കും. രാജി ടി. എസ്. മോഡറേറ്ററാകും.
സോദാഹരണ പരിപാടിയായാണ് ഈ സെഷൻ സംഘടിപ്പിച്ചിട്ടു ള്ളത്. ആനന്ദ് ജയറാം (വയലിൻ), ചങ്ങനാശ്ശേരി ജയൻ (മൃദംഗം), തിരുവനന്തപുരം രാമസ്വാമി (ഘടം) എന്നിവർ പക്കമേളമൊരുക്കും. പത്മഭൂഷൻ സംഗീത കലാനിധി തൃശ്ശൂർ വി. രാമചന്ദ്രൻ (വായ്പ്പാട്ട് ), ആറ്റുകാൽ ബാലസുബ്രഹ്മണ്യം (വയലിൻ), തിരുവനന്തപുരം വി. സുരേന്ദ്രൻ (മൃദംഗം), അഞ്ചൽ കൃഷ്ണൻ (ഘടം) എന്നിവർ ചേർന്ന് 2. 30 മുതൽ 4 മണി വരെ സംഗീത കച്ചേരി അവതരിപ്പിക്കും.
Thursday, February 06, 2025
