തിരുവനന്തപുരം: സംഗീത കുലപതി ജി. ദേവരാജൻ മാസ്റ്ററുടെ 19ാം ചരമ വാർഷികത്തോടനുബന്ധിച്ച് മാസ്റ്ററുടെയും, സംഗീതാസ്വാദകരുടെ മനം കവർന്ന ഭാവഗായകൻ പി.ജയചന്ദ്ര ന്റെയും അനുസ്മരണ പരിപാടി “ജയദേവരാഗാങ്കണം” ഭാരത് ഭവൻ ഓഡിറ്റോറിയത്തിൽ നടന്നു.
ജി. ദേവരാജൻ മാസ്റ്റർ മെമ്മോറിയൽ ട്രസ്റ്റും, ജി. ദേവരാജൻ മാസ്റ്റർ സംഗീത അക്കാദമി ‘ദേവരാഗപുരവും’ ചേർന്ന് ഭാരത് ഭവന്റെ സഹകരണത്തോടെ സംഘടിപ്പിച്ച പരിപാടിയിൽ സ്വാമി ഗുരുരത്നം ജ്ഞാനതപസ്വി, എം.ജയചന്ദ്രൻ, ഡോ. പ്രമോദ് പയ്യന്നൂർ, ജി.ശ്രീറാം എന്നിവർ അനുസ്മരണ പ്രഭാഷണം നടത്തി.
പദ്മശ്രീ പുരസ്കാരത്തിന് അർഹയായ പ്രസിദ്ധ കർണാടക സംഗീതജ്ഞ ഡോ. കെ. ഓമനക്കുട്ടിക്ക് ചടങ്ങിൽ ആദരം അർപ്പിച്ചു.
തുടർന്ന് ദേവരാജൻ മാസ്റ്റർ ഈണം നൽകി പി. ജയചന്ദ്രൻ ആലപിച്ച ഗാനങ്ങൾ കോർത്തിണക്കിയ ‘ഗാനാഞ്ജലി’യിൽ ചലച്ചിത്ര പിന്നണി ഗായകർക്കൊപ്പം ദേവരാഗപുരത്തെ ഗായകരും ഗാനങ്ങൾ ആലപിച്ചു.
