തൃശൂര്‍: സഹപ്രവര്‍ത്തകയെ കഴുത്ത് ഞെരച്ച് കൊലപ്പെടുത്തിയ യുവാവ് അറസ്റ്റില്‍. അങ്കമാലി പാറക്കടവ് സ്വദേശി സനലിന്റെ ഭാര്യ ആതിര (26) യെ കൊലപ്പെടുത്തിയ സംഭവത്തില്‍ സുഹൃത്ത് ഇടുക്കി സ്വദേശി അഖിലിനെയാണ് പൊലീസ് അറസ്റ്റ് ചെയ്തത്.
ആതിര തൃശൂരില്‍ സൂപ്പര്‍ മാര്‍ക്കറ്റിലെ സെയില്‍സ് ഗേളാണ്. ഇതേ സ്ഥാപനത്തിലെ ജീവനക്കാരനാണ് അഖില്‍. അഖിലും ആതിരയും തമ്മില്‍ പണമിടപാടുകള്‍ ഉണ്ടായിരുന്നതായാണ് വിവരം. ആതിരയുടെ സ്വര്‍ണാഭരണങ്ങളടക്കം അഖില്‍ വാങ്ങിയിരുന്നു. ഇത് ആതിര തിരിച്ചു ചോദിച്ചതിനെ തുടര്‍ന്നുണ്ടായ തര്‍ക്കങ്ങളാണ് കൊലപാതകത്തിലേക്ക് കലാശിച്ചതെന്നാണ് പൊലീസ് പറയുന്നത്. ആതിരയെ കൊലപ്പെടുത്തിയ ശേഷം മൃതദേഹം അതിരപ്പള്ളി തുമ്പൂര്‍മുഴി വനത്തില്‍ ഉപേക്ഷിക്കുകയായിരുന്നു.
