മലപ്പുറം: പുല്ലാരയില്‍ ഭാര്യയുടെ അച്ഛനെ കുത്തിക്കൊന്ന പ്രതി കസ്റ്റഡിയില്‍. പുല്ലാര സ്വദേശി അയ്യപ്പന്‍ (65) നെ കുത്തി കൊലപ്പെടുത്തിയ കേസില്‍ മകളുടെ ഭര്‍ത്താവ് പ്രിനോഷിനെയാണ് പൊലീസ് കസ്റ്റഡിയിലെടുത്തത്. സംഭവത്തിന് ശേഷം ഓടി രക്ഷപ്പെട്ട പ്രതിയെ മഞ്ചേരി പൊലീസ് പുലര്‍ച്ചയോടെയാണ് കസ്റ്റഡിയിലെടുത്തത്.
കുടുംബ വഴക്കിനിടെ അയ്യപ്പനെ പ്രിനോഷ് കത്തികൊണ്ട് വയറിലും തലക്കും കുത്തുകയായിരുന്നു. ഗുരുതര പരിക്കേറ്റ അയ്യപ്പനെ മഞ്ചേരി മെഡിക്കല്‍ കോളേജില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
