കോഴിക്കോട്: ബൈക്കിന് മുകളില്‍ മരം വീണ് അധ്യാപകന്‍ മരിച്ചു. സ്‌കൂളിലേക്കുള്ള യാത്രക്കിടെയാണ് അധ്യാപകന്‍ സഞ്ചരിച്ചിരുന്ന ബൈക്കിന് മുകളില്‍ മരം വീണത്. ഉള്ളിയേരി എ യു പി സ്‌കൂളിലെ അധ്യാപകന്‍ പുതുക്കുടി സ്വദേശി പി മുഹമ്മദ് ഷെരീഫ് ആണ് ഇന്ന് രാവിലെ നടന്ന അപകടത്തില്‍ മരിച്ചത്.
റോഡ് സൈഡിലുണ്ടായിരുന്ന മരത്തിന്റെ ശിഖരം ഒടിഞ്ഞ് ശരീഫിന്റെ തലയിലേക്ക് വീഴുകയായിരുന്നു. ഹെല്‍മറ്റ് ധരിച്ചിരുന്നെങ്കിലും മരക്കമ്പ് വീണ് ഇത് തകര്‍ന്നു. ഉടനെ തന്നെ ഷെരീഫിനെ ബാലുശേരി താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
