മേപ്പാടി: വേള്‍ഡ് ഹെല്‍ത്ത് ഓര്‍ഗനൈസേഷന്റെ ആഹ്വാനപ്രകാരമുള്ള ലോക ഹൃദയ ദിനാചാരണത്തിന്റെ ഭാഗമായി ഡോ മൂപ്പന്‍സ് മെഡിക്കല്‍ കോളേജിലെ ഹൃദ്രോഗ വിഭാഗവും ആസ്റ്റര്‍ വളന്റിയേഴ്‌സും സംയുക്തമായി വിവിധ പരിപാടികള്‍ സംഘടിപ്പിച്ചു. ഹൃദയത്തെ ഉപയോഗിക്കുക, ഹൃയത്തെ അറിയുക എന്ന ഈ വര്‍ഷത്തെ ലോക ഹൃദയ ദിന സന്ദേശം ഉള്‍ക്കൊണ്ടുകൊണ്ട് ഹോസ്പിറ്റല്‍ ലോബിയില്‍ പ്രത്യേകം സജ്ജീകരിച്ച പ്രദര്‍ശനം ശ്രദ്ധേയമായിരുന്നു. മനുഷ്യ ഹൃദയത്തിന്റെ വിവിധ വളര്‍ച്ചാ ഘട്ടങ്ങള്‍ വിശദീകരിക്കുന്ന മോഡലുകളും ഹൃദയ സ്തംഭനത്തിലേക്കു നയിക്കുന്ന ബ്ലോക്കുകളും അവ പരിഹരിക്കുന്ന സ്‌റ്റെന്റിങ് ഉള്‍പ്പെടെയുള്ള ചികിത്സാ മാര്‍ഗ്ഗങ്ങളെ വിശദീകരിക്കുന്ന രൂപങ്ങളും ഹൃദ്രോഗ ചികിത്സയില്‍ ഉപയോഗിക്കുന്ന സ്‌റ്റെന്റുകള്‍, പേസ്‌മേകറുകള്‍, സ്‌റ്റെന്റിങ്ങും ബലൂണ്‍ ആഞ്ചിപ്ലാസ്റ്റിയും, റോട്ടാബ്ലേറ്റര്‍ തുടങ്ങി ഒട്ടനവധി കാര്യങ്ങള്‍ ഈ പ്രദര്‍ശനത്തില്‍ ഒരുക്കിയിട്ടുണ്ട്. ഒപ്പം ഹൃദയാരോഗ്യം സൂക്ഷിക്കാന്‍ പ്രാപ്തമായ ഭക്ഷണ ശീലങ്ങളെക്കുറിച്ചും കൃത്യമായി ഇവിടെ വിശദീകരിക്കുന്നുണ്ട്.
ശേഷം മെഡിക്കല്‍ കോളേജ് ക്യാമ്പസ് മുതല്‍ മേപ്പാടി ബസ് സ്റ്റാന്‍ഡിലേക്കും തിരിച്ചും നടത്തിയ 10 കിലോമീറ്റര്‍ ദൂരമുള്ള മിനി മാരത്തോണ്‍ ഹൃദ്രോരോഗവിഭാഗം മേധാവിയും ചിഫ് ഓഫ് മെഡിക്കല്‍ സര്‍വീസസ്സുമായ ഡോ ചെറിയാന്‍ അക്കരപ്പറ്റിയും നഴ്‌സിംഗ് കോളേജ് പ്രിന്‍സിപ്പാള്‍ പ്രൊഫസര്‍ കെ എന്‍ സുരേഷും സംയുക്തമായി ഫ്‌ലാഗ് ഓഫ് ചെയ്തു. നൂറുകണക്കിന് അധ്യാപകരും ജീവനക്കാരും വിദ്യാര്‍ത്ഥികളും പങ്കെടുത്ത പരിപാടിക്ക് ഡീന്‍ ഡോ ഗോപകുമാരന്‍ കര്‍ത്ത, ഡെപ്യൂട്ടി ജനറല്‍ മാനേജര്‍മാരായ സൂപ്പി കല്ലങ്കോടന്‍, ഡോ. ഷാനവാസ് പള്ളിയാല്‍, ആസ്റ്റര്‍ വളന്റിയേഴ്‌സ് കോര്‍ഡിനേറ്റര്‍ മുഹമ്മദ് ബഷീര്‍ എന്നിവര്‍ നേതൃത്വം നല്‍കി. ഹൃദ്രോഗം നിര്‍ണ്ണയിക്കുന്നതിനു ള്ള വിവിധ ലാബ് പരിശോധനകളും ഡോക്ടറുടെ പരിശോധനയും അടങ്ങിയ സൗജന്യ നിരക്കിലുള്ള വിവിധ ഹെല്‍ത്ത് ചെക് അപ് പാക്കേജുകളും ഡോ മൂപ്പന്‍സ് മെഡിക്കല്‍ കോളേജില്‍ ഇപ്പോള്‍ ലഭ്യമാണ്. ഒരു മാസം നീണ്ടുനില്‍ക്കുന്ന പാക്കേജുകളുടെ കൂടുതല്‍ വിവരങ്ങള്‍ക്ക് 8111881086, 8111881122 എന്നീ നമ്പറുകളില്‍ വിളിക്കാവുന്നതാണ്.
