കല്പറ്റ: എടപ്പെട്ടി ഗവ.എല്‍ പി സ്‌കൂള്‍ രജത ജൂബിലി ആഘോഷത്തിന്റെ ഭാഗമായി നടത്തിയ പ്രതിഭാ സംഗമം സുല്‍ത്താന്‍ ബത്തേരി എ ഇ ഒ ജോളിയമ്മ മാത്യു ഉദ്ഘാടനം ചെയ്തു. വിവിധ മേഖലകളില്‍ മികവു തെളിയിച്ച സ്‌കൂളിന്റെ സമീപപ്രദേശങ്ങളിലെ വിദ്യാര്‍ത്ഥികള്‍ക്കും മുതിര്‍ന്നവര്‍ക്കും ചടങ്ങില്‍ വച്ച് ഉപഹാരം നല്‍കി ആദരിച്ചു. വിവിധ മല്‍സര പരീക്ഷകളില്‍ ഉന്നത വിജയം നേടിയവര്‍, കലാകായിക മല്‍സര വിജയികള്‍, ഗോകുലം എഫ് സി,മുംബൈ എഫ് സി ഫുട്‌ബോള്‍ ടീം അംഗങ്ങള്‍ എന്നിവരുടെ അനുഭവങ്ങള്‍ ചടങ്ങില്‍ പങ്കുവച്ചു.
മുട്ടില്‍ ഗ്രാമപഞ്ചായത്ത് മെമ്പര്‍ ഷീബ വേണുഗോപാല്‍ അധ്യക്ഷത വഹിച്ചു. പ്രധാനാധ്യാപകന്‍ പി എസ് ഗിരീഷ് കുമാര്‍, പി ടി എ പ്രസിഡന്റ് എന്‍ പി ജിനേഷ് കുമാര്‍, ഗ്രാമപഞ്ചായത്ത് മുന്‍ മെമ്പര്‍മാരായ സുന്ദര്‍ രാജ് എടപ്പെട്ടി, ജെയിന്‍ ആന്റണി, പി ടി എ വൈസ് പ്രസിഡന്റ് കെ എം ജോഷി, സി വി ശശികുമാര്‍, കെ കെ റഷീദ്, കെ പി പ്രദീശന്‍, വല്‍സല രാമകൃഷ്ണന്‍ , എം എച്ച് ഹഫീസ് റഹ്മാന്‍, മെറീന ഫെര്‍ണാണ്ടസ്, ടി എസ് രേവതി എന്നിവര്‍ പ്രസംഗിച്ചു.
