കല്പറ്റ: കുഞ്ഞിനേയും കൊണ്ട് ഭാര്യ ജീവനൊടുക്കിയ പുഴയില്‍ ചായി യുവാവും ജീവനൊടുക്കി. വെണ്ണിയോട് ജെയ്ന്‍ സ്ട്രീറ്റില്‍ അനന്തഗിരിയില്‍ ഓം പ്രകാശ് (38) ആണ് ഭാര്യ കുഞ്ഞിനേയും കൊണ്ട് ചാടി ജീവനൊടുക്കിയ പുഴയില്‍ ചാടി ആത്മഹത്യ ചെയ്തത്. ഓം പ്രകാശിന്റെ ഭാര്യ ദര്‍ശന (32), മകള്‍ അഞ്ചു വയസ്സുകാരി ദക്ഷ എന്നിവര്‍ ജൂലൈ 13ന് വീടിന് സമീപത്തെ വെണ്ണിയോട് പുഴയില്‍ ചാടി ജീവനൊടുക്കിയിരുന്നു. ഭര്‍തൃ വീട്ടുകാരുടെ പീഡനത്തെ തുടര്‍ന്നാണ് ദര്‍ശനയും കുഞ്ഞും ആത്മഹത്യ ചെയ്തതെന്നായിരുന്നു ദര്‍ശനയുടെ കുടുംബം ആരോപിച്ചിരുന്നത്. 2016 ഒക്ടോബര്‍ 23നായിരുന്നു ദര്‍ശനയും ഓം പ്രകാശും തമ്മിലുള്ള വിവാഹം.
പരാതിയില്‍ ഓംപ്രകാശിനും പിതാവി ഋഷഭ രാജനുമെതിരെ ഗാര്‍ഹിക പീഡനം, ആത്മഹത്യാ പ്രേരണ, മര്‍ദനം എന്നീ വകുപ്പുകള്‍ ചുമത്തി കേസെടുക്കുകയും അറസ്റ്റ് ചെയ്യുകയും ചെയ്തിരുന്നു. തുടര്‍ന്ന് ഇരുവരും റിമാന്റിലായി. അടുത്തിടെയാണ് ഹൈക്കോടതി ഇരുവര്‍ക്കും ജാമ്യം അനുവദിച്ചത്. തിങ്കളാഴ്ച രാവിലെ ഓംപ്രകാശിന്റെ സ്‌കൂട്ടറും കീടനാശിനി കുപ്പിയും വെണ്ണിയോട് പുഴയോരത്ത് കണ്ടെത്തി. സംശയം തോന്നിയ നാട്ടുകാരും പള്‍സ് എമര്‍ജന്‍സി ടീമും പുഴയില്‍ നടത്തിയ തിരച്ചിലിലാണ് ഓംപ്രകാശിന്റെ മൃതദേഹം കണ്ടെത്തുന്നത്.
