സിനിമ വര്‍ത്തമാനം / സുനിത സുനില്‍
പ്ലസ് ടു വിദ്യാര്‍ഥിനിയായ ചിന്മയി നായര്‍ സംവിധാനം ചെയ്ത ‘ക്ലാസ്സ് ബൈ എ സോള്‍ജ്യര്‍’ എന്ന സിനിമ നവംബര്‍ 24 മുതല്‍ തിയേറ്ററുകളില്‍ പ്രദര്‍ശനം ആരംഭിക്കും. ലിസ്റ്റിന്‍ സ്റ്റീഫന്റെ മാജിക് ഫ്രെയിംസാണ് ചിത്രം തിയേറ്ററുകളിലെത്തിക്കുന്നത്. ‘ചിത്രത്തിന്റെ ട്രെയിലര്‍ ഇന്ന് മാജിക് ഫ്രെയിംസ് റിലീസ് ചെയ്തു.
വിജയ് യേശുദാസ്, മീനാക്ഷി എന്നിവര്‍ പ്രധാന കഥാപാത്രങ്ങളായി എത്തുന്ന ചിത്രം ‘സാഫ്‌നത്ത് ഫ്‌നെയാ’ ഇന്റര്‍നാഷണല്‍ െ്രെപവറ്റ് ലിമിറ്റഡിന്റെ ബാനറില്‍ സാബു കുരുവിളയും പ്രകാശ് കുരുവിളയും ചേര്‍ന്ന് നിര്‍മ്മിച്ചിരിക്കുന്നു. സ്‌കൂള്‍ ജീവിതത്തിന്റെ നൊസ്റ്റാള്‍ജിയും ത്രില്ലുമായി എത്തുന്ന ക്ലാസ്സ് ബൈ എ സോള്‍ജ്യറില്‍ കലാഭവന്‍ ഷാജോണ്‍, ശ്വേത മേനോന്‍, ഡ്രാക്കുള സുധീര്‍, കലാഭവന്‍ പ്രജോദ്, ഗായത്രി വിജയലക്ഷ്മി, ഡോ. പ്രമീളാദേവി, വിമല്‍ രാജ്, ഹരി പത്തനാപുരം, ബ്രിന്റാ ബെന്നി, ജിഫ്‌ന, റോസ് മരിയ, ജെഫ് എസ് കുരുവിള, ഐശ്വര്യ, മരിയ ജെയിംസ്, സജിമോന്‍ പാറയില്‍, അനുദേവ് കൂത്തുപറമ്പ്, മാധവ് കൃഷ്ണ അടിമാലി, ജയന്തി നരേന്ദ്രനാഥ്, മേഘ ഉത്തമന്‍, ലിജോ മധുരവേലി, ധനലക്ഷ്മി തുടങ്ങി പ്രമുഖതാരങ്ങള്‍ ചിത്രത്തില്‍ അണിനിരക്കുന്നു.
സ്‌കൂള്‍ വിദ്യാര്‍ഥിനി ഒരുക്കുന്ന സിനിമ എന്ന നിലയില്‍ പ്രഖ്യാപനം മുതല്‍ തന്നെ ശ്രദ്ധനേടിയ ചിത്രമായിരുന്നു ‘ക്ലാസ്സ് ബൈ എ സോള്‍ജ്യര്‍’. കോട്ടയം, ളാക്കാട്ടൂര്‍ എംജിഎം ഹയര്‍ സെക്കണ്ടറി സ്‌കൂളിലെ പ്ലസ് ടു ഹ്യുമാനിറ്റീസ് വിദ്യാര്‍ഥിനിയാണ് ചിന്മയി നായര്‍. സ്‌കൂള്‍ പശ്ചാത്തലമാക്കിയാണ് ചിന്മയി തന്റെ ആദ്യ ചിത്രം ഒരുക്കിയിരിക്കുന്നത്.
അനില്‍ രാജ് ആണ് ‘ക്ലാസ്സ് ബൈ എ സോള്‍ജ്യര്‍’ സിനിമയുടെ തിരക്കഥയും സംഭാഷണവും നിര്‍വഹിച്ചിരിക്കുന്നത്. ഛായാഗ്രഹണം ബെന്നി ജോസഫ് നിര്‍വ്വഹിക്കുന്നു. എഡിറ്റര്‍ റക്‌സണ്‍ ജോസഫ്
, ചീഫ് അസോസിയേറ്റ് ഡയറക്ടര്‍ സുഹാസ് അശോകന്‍. കവിപ്രസാദ് ഗോപിനാഥ്, ശ്യാം എനത്ത്, ഡോക്ടര്‍പ്രമീള ദേവി എന്നിവരുടെ വരികള്‍ക്ക് എസ് ആര്‍ സൂരജ് സംഗീതം പകരുന്നു.
പ്രൊഡക്ഷന്‍ കണ്‍ട്രോളര്‍ മന്‍സൂര്‍ അലി. കൗണ്‍സിലിംഗ് സ്‌ക്രിപ്റ്റ് ഉഷ ചന്ദ്രന്‍ (ദുബൈ), കല ത്യാഗു തവന്നൂര്‍. മേക്കപ്പ് പ്രദീപ് രംഗന്‍. കോസ്റ്റ്യൂം സുകേഷ് താനൂര്‍. അസ്സി ഡയറക്ടര്‍ ഷാന്‍ അബ്ദുള്‍ വഹാബ്, അലീഷ ലെസ്സ്‌ലി റോസ്, പി. ജിംഷാര്‍. ബി ജി എം ബാലഗോപാല്‍. കൊറിയോഗ്രാഫര്‍ പപ്പു വിഷ്ണു, വിഎഫ്എക്‌സ് ജിനേഷ് ശശിധരന്‍ (മാവറിക്‌സ് സ്റ്റുഡിയോ). ആക്ഷന്‍ ബ്രൂസിലിരാജേഷ്. ഫിനാന്‍സ് കണ്‍ട്രോളര്‍ അഖില്‍ പരക്ക്യാടന്‍, ധന്യ അനില്‍. സ്റ്റില്‍സ് പവിന്‍ തൃപ്രയാര്‍, ഡിസൈനര്‍ പ്രമേഷ് പ്രഭാകര്‍. ക്യാമറ അസോസിയേറ്റ് രതീഷ് രവി. മീഡിയ പ്ലാനര്‍ സജീവ് ഇളമ്പല്‍ എന്നിവരാണ് ചിത്രത്തിലെ മറ്റ് അണിയറ പ്രവര്‍ത്തകര്‍.
