അലനല്ലൂര്‍: വേദങ്ങളെല്ലാം മാനവിക നന്മയാണ് ഉദ്‌ഘോഷിക്കുന്നതെന്ന് വെളിച്ചം 17 മത് എടത്തനാട്ടുകര മണ്ഡലം ഖുര്‍ആന്‍ അന്തരാഷ്ട്ര പഠന പദ്ധതി ഉദ്ഘാടനം ചെയ്തു കൊണ്ട് മണ്ണാര്‍ക്കാട് ബ്ലോക്ക് പഞ്ചായത്ത് പ്രസിഡന്റ് പ്രീത ടീച്ചര്‍ പറഞ്ഞു. വെളിച്ചം പരീക്ഷയില്‍ വിജയികളായവര്‍ക്ക് അലനല്ലൂര്‍ പഞ്ചായത്ത് പ്രസിഡന്റ് സജ്‌നാ സത്താര്‍ അവാര്‍ഡുകള്‍ വിതരണം ചെയ്തു.
സംഗമത്തില്‍ വെളിച്ചം മണ്ഡലം ചെയര്‍മാന്‍ അബ്ദു മാസ്റ്റര്‍ അദ്ധ്യക്ഷത വഹിച്ചു. ഡോ ഫര്‍ഹാ നൗഷാദ്, ഫൈസല്‍ നന്മണ്ട തുടങ്ങിയവര്‍ ക്ലാസ്സ് എടുത്തു. ഉബൈദുള്ള ഫാറൂഖി, അബ്ദുള്‍ റഷീദ് ചതുരാല, പടുകുണ്ടില്‍ അബ്ദുള്ള, പാറോക്കോട് ഹംസ, മുസ്തഫ പൂക്കാടം ചേരി, റൗസീന പി. ഷഹാന, സുള്‍ഫിക്കറലി തുടങ്ങിയവര്‍ സംസാരിച്ചു.
