മറയൂര്‍: വീട്ടമ്മയെ കാട്ടുപന്നി ആക്രമിച്ച് ഗുരുതരമായി പരുക്കേല്‍പ്പിച്ചു. മറയൂര്‍ ഗ്രാമത്തിലെ റജീന (50)ക്കാണ് കാട്ടുപന്നിയുടെ ആക്രമണത്തില്‍ ഗുരുതര പരുക്കേറ്റത്. ഇന്ന് ഉച്ച കഴിഞ്ഞ് മൂന്നരയോടെയായിരുന്നു കാട്ടുപന്നിയൂടെ ആക്രമണമുണ്ടായത്.
റജീന തുണി അലക്കാനായി വീടിന് പുറത്ത് എത്തിയപ്പോഴാണ് കാട്ടുപന്നിയുടെ ആക്രമണം ഉണ്ടായത്. റജീനയുടെ കാലിനാണ് പരുക്കേറ്റത്. റജീനയുടെ നിലവിളി കേട്ട് എത്തിയ പ്രദേശത്തുള്ളവര്‍ ബഹളം വെച്ചതോടെയാണ് പന്നി പിന്മാറിയത്. റജീനയെ ആശുപത്രിയില്‍ പ്രവേശിപ്പിച്ചു.
