തിരുവനന്തപുരം: കാട്ടാക്കടയില്‍ ബസ്സിനുള്ളില്‍ പെണ്‍കുട്ടിയെ പീഡിപ്പിക്കാന്‍ ശ്രമിച്ച യുവാവിനെ പൊലീസ് അറസ്റ്റ് ചെയ്തു. പ്രായപൂര്‍ത്തിയാകാത്ത പെണ്‍കുട്ടിയെയായിരുന്നു ബസ്സിനുള്ളില്‍ ലൈംഗീക അതിക്രമത്തിന് ഇരയാക്കാന്‍ ശ്രമിച്ചത്. സംഭവത്തില്‍ നൂലിയോട് ശ്രീലയം വീട്ടില്‍ വാടകയ്ക്ക് താമസിക്കുന്ന ബിജു എന്ന വിജു (44) ആണ് അറസ്റ്റിലായത്.
ചൊവ്വാഴ്ച പേയാട് നിന്നും വെള്ളാനാട്ടേയ്ക്ക് പോയ കെ എസ് ആര്‍ ടി സി ബസ്സിലാണ് പീഡന ശ്രമം നടന്നത്. യാത്രക്കാര്‍ സംഭവമറിഞ്ഞ് ബഹളമുണ്ടാക്കിയതോടെ ഇയാള്‍ ഓടിരക്ഷപ്പെടുകയായിരുന്നു.
