കൊട്ടപ്പുറം: കൊട്ടപ്പുറം എ എം എല്‍ പി സ്‌കൂള്‍ സംഘടിപ്പിച്ച സോക്കര്‍ ഫെസ്റ്റ് സീസണ്‍ 2 മത്സരം കുട്ടികള്‍ക്കും രക്ഷിതാക്കള്‍ക്കും അധ്യാപകര്‍ക്കും ആവേശകരമായ അനുഭവമായി. കൊട്ടപ്പുറം El – Clasico Turf ല്‍ വെച്ച് 3, 4, 5 ക്ലാസ്സിലെ കുട്ടികള്‍ക്കായി നടത്തിയ മത്സര പരിപാടി പി. ടി. എ പ്രസിഡന്റ് പി. ടി. ഹിബത്തുള്ള ഉദ്ഘാടനം ചെയ്തു.
ചെറുപ്പം മുതലേ കുട്ടികളില്‍ കായിക വിനോദങ്ങളില്‍ താത്പര്യം ജനിപ്പിക്കുക എന്ന ലക്ഷ്യത്തോടെയാണ് ഇത്തരം പരിപാടികള്‍ സ്‌കൂളില്‍ സംഘടിപ്പിക്കുന്നതെന്ന് പ്രധാനധ്യാപകനും സ്‌പോര്‍ട്‌സ് കണ്‍വീനറും അഭിപ്രായപെട്ടു.
