മലപ്പുറം: സ്‌കൂട്ടര്‍ നിയന്ത്രണം വിട്ട് മതിലില്‍ ഇടിച്ചുണ്ടായ അപകടത്തില്‍ പരുക്കേറ്റ് ചികിത്സയിലായിരുന്ന യുവാക്കള്‍ മരിച്ചു. തലക്കടത്തൂര്‍ പടിഞ്ഞാക്കരയിലെ കുടുക്കില്‍ ഇബ്രാഹിമിന്റെ മകന്‍ ഇര്‍ഫാന്‍(18), നാലുകണ്ടത്തില്‍ വിനോദിന്റെ മകന്‍ മൃദുല്‍ (21) എന്നിവരാണ് മരിച്ചത്. ഇരിങ്ങാവൂര്‍ കുറുപ്പിന്‍പടിയില്‍ ആയിരുന്നു അപകടം. ടര്‍ഫിലെ കളി കഴിഞ്ഞ് വീട്ടിലേക്ക് മടങ്ങുന്നതിനിടെ നിയന്ത്രണം വിട്ട സ്‌കൂട്ടര്‍ മതിലില്‍ ഇടിച്ചായിരുന്നു അപകടം.
കൂട്ടുകരും അയല്‍വാസികളുമായ രണ്ട് പേരും ശനിയാഴ്ച രാത്രി 11.30 ക്ക് ഇരിങ്ങാവൂരിലെ ടര്‍ഫില്‍ നിന്നും കളി കഴിഞ്ഞ് സ്‌കൂട്ടറില്‍ വീടുകളിലേക്ക് വരുന്നതിനിടെയായിരുന്നു അപകടം സംഭവിച്ചത്. ഉടന്‍ തന്നെ നാട്ടുകാര്‍ തിരൂര്‍ ജില്ല ആശുപത്രിയില്‍ എത്തിച്ചു. പരുക്ക് ഗുരുതരമായതിനെ തുടര്‍ന്ന് പിന്നീട് കോഴിക്കോട് മെഡിക്കല്‍ കോളജിലേക്ക് മാറ്റുകയായിരുന്നു.
