പത്തനംതിട്ട: തട്ടിക്കൊണ്ട് പോയ പതിനഞ്ചുകാരിയെ സ്റ്റേഷനിലെത്തിച്ച ശേഷം യുവാക്കള്‍ മുങ്ങി തിരുവല്ലയിലെ സ്വകാര്യ സ്‌കൂളില്‍ നിന്ന് കാണാതായ ഒമ്പതാം ക്ലാസ് വിദ്യാര്‍ഥിനിയെ കാണാതായ സംഭവത്തിലാണ് ഇതോടെ തുമ്പായത്. ഇന്ന് പുലര്‍ച്ചെ നാലരയോടെയാണ് വിദ്യാര്‍ഥിനി തിരുവല്ല സ്‌റ്റേഷനില്‍ ഹാജരായായത്. പെണ്‍കുട്ടിയെ പൊലീസ് സ്‌റ്റേഷനു സമീപം കൊണ്ടുവിട്ട ശേഷം മുങ്ങിയ യുവാവിനെ പൊലീസ് പിന്തുടര്‍ന്നു ബസില്‍ നിന്നാണ് പിടികൂടുകയായിരുന്നു. തൃശ്ശൂര്‍ സ്വദേശി അഖില്‍ (22) ആണ് പിടിയിലായത്. പെണ്‍കുട്ടിയെ കൊണ്ടുപോയ രണ്ടാമനായുള്ള തിരച്ചില്‍ പുരോഗമിക്കുകയാണ്.
പതിനഞ്ചുകാരിയെ കൊണ്ടുപോയവരുടെ ചിത്രങ്ങള്‍ പൊലീസ് പുറത്ത് വിട്ടിരുന്നു. വെള്ളിയാഴ്ച പരീക്ഷയ്ക്ക് പോയ പെണ്‍കുട്ടി വീട്ടില്‍ തിരിച്ചെത്താതെ വന്നതോടെയാണ് രക്ഷിതാക്കള്‍ പൊലീസില്‍ പരാതിപ്പെട്ടത്. സമീപത്തെ കടകളിലെയും സ്വകാര്യ ബസിലേയും സിസിടിവിയില്‍ നിന്നുമാണ് പെണ്‍കുട്ടിയെ കൊണ്ടുപോയവരുടെ ദൃശ്യങ്ങള്‍ പൊലീസ് കണ്ടെത്തിയത്.
