കൊണ്ടോട്ടി: മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമിയിലെ സ്‌കൂള്‍ ഓഫ് മാപ്പിള ആര്‍ട്‌സില്‍ പഠിക്കുന്ന വിദ്യാര്‍ത്ഥികളുടെ കലാമേള ജ്വാല 2സ24 അക്കാദമി വൈസ്‌ചെയര്‍മാന്‍ പുലിക്കോട്ടില്‍ ഹൈദരാലി ഉദ്ഘാടനം ചെയ്തു. വി. നിഷാദ്, റഹീന കൊളത്തറ, അഷ്‌റഫ് മഞ്ചേരി, ബക്കര്‍ മാറഞ്ചേരി തുടങ്ങിയവര്‍ സംസാരിച്ചു. മാപ്പിളപ്പാട്ട്, ഹിന്ദുസ്ഥാനി രാഗപരിചയം കോഴ്‌സുകളില്‍ പഠിക്കുന്ന നൂറോളം വിദ്യാര്‍ത്ഥികള്‍ പങ്കെടുത്തു. മാപ്പിളപ്പാട്ട്, ലളിതഗാനം, നൃത്തങ്ങള്‍ തുടങ്ങിയ വൈവിധ്യമുള്ള കലാപരിപാടികള്‍ അരങ്ങേറി. രക്ഷിതാക്കളുടെ കലാ അവതരണങ്ങളും നടന്നു.
സമാപന സമ്മേളനം അക്കാദമി സെക്രട്ടറി ബഷീര്‍ ചുങ്കത്തറ ഉദ്ഘാടനം ചെയ്തു. എഴുത്തുകാരി സാബി തെക്കേപുറം പ്രഭാഷണം നടത്തി.
